Naharsi Saqal Cajji Awwal Qarba UNOCHA Erga Luk Binaadamiino Qokol Wagittaamal Walal Gexsem. - ENA Qafar Afa
Naharsi Saqal Cajji Awwal Qarba UNOCHA Erga Luk Binaadamiino Qokol Wagittaamal Walal Gexsem.
Addis Ababa Kaxxa Garabluk 24/2019 (ENA) Qafar Rakaakayak Naharsi Saqal Cajji Awwal Qarba Galli Maroh Eglak Binaadamiino Qokolih Koobaahissoh Maktabak ( UNOCHA) Ayro-Mawqa Kee Gabbi Afrikah Caagiidak Sissik Qawwalaylah Raddih Luddak Ciggiila Xayrikteerih Tan Gifti Kiyooko Onaan Kee Tet Erga Isi Maktabal Oggolaak Walalisem.
Naharsi Saqal Cajji Awwal Qarba Rakaakay Caddol Awayih Udduur Akkuk Geytinta Binaadamiino Qokolih Taamoomiiy, Matartah Tan Adafitte Edde Anuk Amolladih Binaadamiino Qokolih Luddal Makcagguur Leeh Sittin-Qokol Rakiibo abta Ximmoomah Aakam Kah Yaceen Innah Fidin Walal Aben .
Massakaxxa le Cajji Awwal Qarba UNOCHA Cugayso Qafar Rakaakayih Caddol Abak Geytinta Taamoomi Faatitak , Gino Kee Sehdayti Baxi Ginah Yan Qawwalaylah Taqabitte Taafeh tan Maritteh Sissik Qokol Xayyoosoonuh Ta Cugayso Luk Xaynal Taamitoonuh Rakaakay Doolat Kaxxa Fayxi Leh Yanim Qaddoose .
Namma Exxa Binaadamiino Qokolih Caagiida Maqarroosoonuuy, Tonnah Taqabi Addat Tanih tan Maritteh Xayyoosan Qokoluk Mexxat kee Abbinoos Baarisoonuh Ogoysimle Taama Gexsit Maqarroosak Ciggil le Qokoluh Hangi Aceeloonum Diggooseenih Yaniinim Rakaakayak Xiinissoh Abbah Kutbeh Buxah Oyti Yascasse.
