Rakaakayak aygadad kutbeh buxa 208 Milliyonih Birrik Daga Edde Tewqe Lee Mashin Kee Makaayin koqol Lee kee elmo biiroh abte

 

Addis Ababa,Kaxxa Garabluk 24,2019 (ENA) Qafar Rakaakyak aygadad kee xisne qokolih kutbeh buxa baad bankik 3R-4CACE diqsitta cugaysok geytime maali qokolut sarvice Rig kee Mobile workshop makayin Rakaakayak lee kee elmo biirol Tabissem Qaddosen.

 

Ta qokolih tabsih aracal geytimaka farmo tatruseh yan Rakaakayak Ciggiila perezdentiiy ardi xiinissoh biroh saqalah yan gifta Caamid dulla baad banki kiblatti carbit 2 Ximmoy 3 Billiyonih Birri kasaaray Rakaakay tibbixeh sugtek mangoomul qokol abak geytimam Yiysixxige.

Akah tamixxigennah kiblatti carbit mango maddur kee ayyuntiino ayfaafayitte finqitteh sugte kee baad banki ta dufat yekkeh yan finqal abah yan aygadad qokolul taham fan 53 barittoh buxaay 35 qaafiyat buxaaxiiy tonnah 35 takke lee xisneene kee dambiyo abak mexxatle aygadad abak geytimam Yescesse.

 

Asaaku tabsan machin daffesaanam hinnay asaaqataak xabba haanam taamal akah asannah abak lee saffos kee dambiyol yan taqabi saggoosak ayyunti faxxiima leeh ayfaf akah geyannah abaanam faxximtaamih farmo tatruse.

Baad banki aham fan abak yemeeteh yan aygadad qokol rakaakayah mango tuxxiiq geysiisak geytimam kee foocaffanah Qafar Rakaakay carbiik dullmal elle suge caddo gufaanam fan abaanah yanin qokolut bisoh akah iyyan innah seeco Xayyose.

 

Rakaakayak Lee kee Elmo biirok naharsi saqal Gifta Acmad shaami Rakaakay caddol baxsaluk kiblatti carbit 290 ak daga takke lee xisoosa finqitteh sugtem kee too dariifah ayyunti leek mango calwayat raaqeh sugem Kassise.

Baxasluk baad banki lee caddol abah yan qokol Rakaakayak aygadad kutbeh buxa koobaahisak awayih uddur mango aroocal leek dambiyooy saffoosiyyaay xisne kee lee qelwa soolaarah korisaanamal assakatle taama akkuk geytimtam qaddoose.

 

Rakaakayak aygadad kutbeh buxah saqalah yan gifta Nuraddin Saddik tama qokol elle tabissekkel abeh yan yaabalaay Baad banki qaafiyataay leey baritto buxaaxih xisnek mangoomul qokol abak yemeeteeh

Woo qokolut mango leelway finqitteh iyyak mangoom dambiyakaay qusbam edde dagak mango ayfaf lee kee barittooy qaafiyat xisnel geysiisak yemeeteenim yiysixxige.

 

Kiblatti itopiyah carbik biyaakiteh yan marak qafar ummatta exxakteena kinnuuk Qafar Rakaakayih abba massakaxxale Cajji Awwal Qarba abeh yan diplomasih angayyaak ugutak baad banki kiblatti carbit biyaakitteh tan qafarih aygadaadak mangom tukkem qaddoose

Aham fan barittooy qaafiyataay Lee kee kalah tan maddur kee ayyuntiino xisneenal mango qokol abak yemeeteeh away abeenih yanin qokoluuy 208 milyoonih birrik daga takke lakqot xaamime lee qeelwah asaffayeh mashin kee Mobile workshop makayin kinnih tanim yiysixxige.

 

Amakayin kee mashin away rakaakayal yan lee taqabik mangom yafdigem xiqaamih taagah elle faxximtannal edde antifiquk akah yemete ayfaafal asisaanam faxximtam FMC Qafar Afih Exxah Oytal Yescessen