Itiyoppiyak Kalali Qandet Tekke Aydaadul Habbalsime Sinni Gano - ENA Qafar Afa
Itiyoppiyak Kalali Qandet Tekke Aydaadul Habbalsime Sinni Gano
Ityoppiyak Kalali Qande Baaxo Muddaqiinoh Dacarisaanamak Tuturak Daddos Caddol Ayyuntiino Ayfaafititte Faxximita Gabah Assagalla Abak Inkih Tan Ityoppiyah Ummattah Goobuh Tan Kalali Qandet Kaxxa garabluk 24 sanat 2013 Ganeenit Butta Hablasime Sinni Gano Edde Abte.
Gita Maliino Tan Cuwaacat Butta Itiyoppiyah Aydaadul Kaxxa Caddo Le Tigray Ayyunta Awlise Sinni Isinni Tuxxiqih Sittal Tekette Butta Kinni.
Ciwaacat Butta Reedal Sugte Saaku Mangoh Yan Ayyuntal Taqabi Baahak Sugeenih Tonnah Mangoh Tan Exxaxil Ceelewayni Abto Kataasak Suge.
Kalah Ayyuntal Gibdah Yan Taqabi Katseenim Dibuk Hinnay Baaxol Qidaddoy Ayyuntiino Kee Siyaasa Taqabitte Katasak Sugenim Kassisak.
Ciwaacat Isinni Tuxxiqitteh Sabbatah Ummatta Qawwaddu Yayyaqeenih Salaam Waysiisanah Ummatta Tuxxqik Isinni Fayxi Yaysukumenimi Tamixxige.
Ta butta reedal sugte saakuuy, reedak tewqeek lakal, awayih uddur tigray ummattak muxxi isi reeda kee fayxi dacrissuh mangoh tan adam baxi cakkih Ganaysaqo kee agat sadih abtoota abte.
Tama butta, maqna sinni booditte ugusak, sinam qiddam kee afkuuqusak, ummattak iroh gutqumteek lakal bayteh tan cayla dacrisoonuh itta luk sugte maritteh baxsimak, bool karmoomih gideh, isi gicloh siyaasa yaysexeexegeenim warsan.
Baxsaluk ta butta reedak obteeh mekele Tendebbek lakal Kaxxa garabluk 24 sanat 2013 itiyoppiyah ummattak goobu kee kalalu luk sugte kalali qandel kilbatti inkittiino gano abak tekke maysattaka inkih tan itiyoppiyah xayloh rookale abto tekke.
Kilbatti Qande Baaxo Kee Ummatta Dacrissuh Bar Laqoh Inkih Macalak Sugteh Tan Udduru Ciwacat Butta Darrek Keenit Abte Gano Habbalime Sinni Data Aydaadu
Ta Qande 20 Sanatak Daga Tigray Rakakayal Abteh Tan Meqe Abtoota Darreh Cabak Canka Butta Keenit Abte Umaane Buttak Sharri Magide Yakkem Keenik Baxxaqisse.
Ta Kalali Qandet Kaxxa Garabaluk 24/2013 Gacit Tani Tekkeh Tan Gano Kasitto Agiirah Tan Qande Fida Tekkeh Edde Kassinnah Agatak Kalali Qandeh Konnabna Abnah Annah Tan Gano Baaxoh Caddol Akah Qagite Wayta Innah Ganeenit Buttal Hora Akak Barittam Dudda Maaqatta Beyaanam.
