Itiyoppiyak Asqassabê Caylih Daddoosih Xalitte Gersi Afrikah Baaxooxah Ceelallo Takkem Kinni.

 

Addis Ababa Kaxxa Garabluk 23/2019 (ENA) Itiyoppiyak Asqassabê Caylih Daddoosih Xalitte Kee Kataytah Tan Afkanitte Gersi Afrikah Baaxooxah Ceelallo Takkem Kinnim Xenmrakih Doolatak Itiyoppiyah Imbaasik Elmoh Exxah Fayu-Abe Tomas Filorin Qaddoysem.

Xenmrakih Doolatak Itiyoppiyah Imbaasih Fayu-Abe Tomas Filorin Itiyoppiyak Xaagi Raceenallih Luk Sugeh Yan Uddudurul Itiyoppiya Asqassabeh Caylih Daddoosul Kataytah Tan Afkan Missat Yan Gita Kinnih Tanim Yescessem.

Itiyoppiya Cayli Daddoosul Beytah Tan Maqattooti Gersi Afrikah Baaxooxah Aydukkum Atakkem Kinnim Qaddoysaak, Ta Exxal Yanih Yan Dadal Afrkah Ceelallo Kinnim Baxxaqsem.

Itiyoppiya Asqassaabe Caylih Murtissol Meqe Dadal Aybulluyuk Geytimtam Ascassuuk, Ta Exxal Yibbixeenih Yanin Ikraaro Kee Daddos Afkanitte Maqarleh Tanim Yescessem.

Xenmarki, Itiyoppiyalluk Lee Kee Elmoh Exxal Xer Udduurih Qokol Fantaaxaw Leh Tanim Qaddoysem.

Ta Qokol Fantaaxaw Duddi Gablusooy, Tannah Tan Fantenaanik Abak Raag Tabaatabsa Kee Rakiibo Daddoosih Cugaysoosa Addat Yabbixeh Yanim Yescessem.

Xenmarki, Itiyoppiyalluk Leh Tan Cayli Daddoosih Fantaaxaw Maqarroosak Gexelem Diggoysem.