Itiyoppiyak Baddi Furdah Ikoytiinih Essero Baad Caddoh Miracsenta Kataytaamih Taagah Oggolomiyyi Dadalak Geytima. - ENA Qafar Afa
Itiyoppiyak Baddi Furdah Ikoytiinih Essero Baad Caddoh Miracsenta Kataytaamih Taagah Oggolomiyyi Dadalak Geytima.
Addis Ababa Kaxxa Garabluk 21/2019 (ENA) Itiyoppiyak Baddi Furdah Ikoytiinih Essero Yaceeniih, Hrgaanam Kee Baad Caddoh Miracsenta Kataytaamih Taagah Oggolomiyyi Dadalak Yemeeteh Yanim Itiyoppiyak Xaagi Raceenah Yaabisseh Tan Tutaaxago Qaddossem.
Itiyoppiyak Baddi Furdah Essero Madqaay, Qidado Dadalih Fayxi Kee Ardi Daffeynah Xaynal Rakuh Anuk Sittalih Antifqimiyya Daabisa Faxxiima Caagid Kinnim Tutaaxago Qaddossem.
Madqa Fayu Abeh Yan Gifta Yonas Welxeyyes Enah Elle Qaddoysennal Itiyoppiyah Fayxi Gersi Baxooxah Muddaqiino Saddah Tan Essero Hinnay Baad Caddoh Gaanuun Kataytah Tanim Yescessem.
Away Baaxoh Caddol Akkuk Geytimtah Tan Nabah Tan Cugaysoosa Baddi Furda Fxissah Taniimih Taagah Itiyoppiya Baado Ganuun Katayak Esserak Geymtam Essero Gitak Tan Essero Kinnim Qaddoysem.
Addis Ababah Jaamiqatak Salaam Ke Amni Barseenaay, Kusaq Abe Mulugeta Ayyele(Phd) Gersi Bax0oxa Alaafaatal Loowimta Maayilitte Argiquk Qasa Badal Tuxxiq Dacrisak Geytimaanam Ascassuuk, Qasa Badak 60kiilo Mitiril Xexxaaral Tanih Tan Itiyoppiya Qasa Badak Kah Taxxeexennah Abaanam Qeedalisso Alle Sinniih Oggol Alle Sinnim Yescessem.
Qasa Badal Tuxxiq Dacrisaanam Itiyoppiya Horanam Xiqqiime Sinni Gar Kinnih Tanim Qaddoysem.
Dariifa Qidaddo Fantaaxawa Sahhilosaanamih Caddol Itiyoppiya Qasa Bad Fan Tadaarem Dariifah Mango Tuxxiq Leh Tanim Baxxaqsem.
Nababaaxooy, Nabaayyuntaay, Xermabla
