Naharsi Malaak Abiyyi Acmad (PhD) Qhechene- Ambaasadder- Giyon- Irrecha- Bambiis Daqar Qaxih Daddos Dooqaysak Ayfaafayah Faku Abe. 

 

Addis Ababa Kaxxa Garabluk 15/2019 (ENA) Asaaku Qhechene - Ambaasadder- Giyon- Irrecha- Bambiis Daqar Qaxih Daddos Dooqaysak Ayfaafayah Faku Abeh Yanim Naharsi Malaak Abiyyi Acmad (PhD) Qaddoysem. 

 

Naharsi Malaak Ayyuntiinô Retteemah Guubul Tatruseh Yan Farmol 351hektaar Amolladi Baar kee 10kiilo Mitirih Xexxar Leh Yan Koriixer Daddos Qasriinooy, Alginan kee Kullim Tasgalle Addis Ababa Xisaanamih Mabla Nummassa Kaxxa Cugayso Kinnim Yescessem.

 

Ibi Gitaay, Saykil Gititte kee Ogoysimle Merrayti Rakiibo Daddos Addat Yabbixeh Yanim Daddos Guddos kee Manoh Bicale Magaalah Dariifa Gintah Tanim Qaddoysem.

 

Urri Digir Aroocaay, Pilaazaay, Dagar Diig Aroocaay, Tonnah Kaadu Lee Mayballoliiy, Sabhalal kee Ayyuntiinô Fantaaxawah Qusba Saamitte Ginelem Qaddoysem.

 

Makaayin Solsih Arooca kee 100uk Amoh Makayin Inki Adda Soolisam Xiqa Bacra Koraan Makaayinih Kibneh Fantenaaniy Qasri Rakiibo Daddoosih Dudda Maqarroyselem Yescessem.

 

Daqar Xiinissooy, Ballaaqe kee Leê Davayriiy, Tonnah Kaadu Daqar Qaxi Algin Aroocah Sababah Dariifâ Dacayri Magaalâ Ceelo Milaagulluk Bicsak Gexak Geytimaanam Qaddoysem.