Itiyoppiya Afrikah Gaysal Leh Tan Makcaggur Le Doori Maqarroosak Geytimta – Qabdulwasa Qabdullaahi (PhD)

 

Addis Ababa Kaxxa garabluk 12/2019 (ENA):Itiyoppiyak Afrikah Gaysal Leh Tan Makcaggur Le Doori Maqarroosak Geytimtam Itiyoppiyak Iroh Caagidah Inistitutik Leenâ Xayrekterih Yan Qabdulwasa Qabdullahi (PhD) Qaddoosem.

Itiyoppiyak Agatak Kalali Qandeh Kolleeji Kee Iroh Caagiidah Inistituyut Sitta Lih Bicisen Pooliisi Walal Gexisak Geytiman.

Itiyoppiyak Iroh Caagiidah Inistituyutuk Naharsi Dayrekterih Yan Qabdulwasa Qabdullaahi (PhD) Itiyoppiya Dariifah Leh Tan Makcaggur Rakiibo Le Doori Diggoosak Geytimtam Qaddoose.

Ityoppiyak Afrikah Gaysa Leh Tan Daga Raaqiyya Diggosuh Baaxoh Addah Inkittinaaney Yangalen Daalissoh Xisney Tasgalleh Tuxxiqittey Rakiiboh Luk Agat Muddaqiino Naharasiino Acyuk Taamitak Geytiman.

 

Tonnah Baaxoh Caddol Tan Siyaasay Baxsitte Salaamay Ximokraasih Gital Walal Yafdigeenimih Qaada Diggoosak Geytiman.

Baaxoh Addah Taqabitte Yafdigoonuh Iro Baaxoh Caylittel Qokkolisimak Yakkeh Yan Gibbati Baaxo Muddaqiinot yakke Bood Kinnim Ascassuk Aydaadi Naqaboytitih Awalaytiinol Yakke Carbi Kinnim Qaddosse.

Ityoppiyak Baddi Furdah Ikoytiinoh Essero Aracat Hoonuh Cuganeena Baaxo luk Walal Kee Sittin Geyel Sittaluk Dadalaanamih Radmooma Katayak Geytimtam Baxxaqisem.

Ityoppiyak Doolat Madqah Xisne Kee Makcaggur Le Dudda Maqarroosnuh Sittaluk Walalak Sarrimaane le Calitte Gorrisaanam Faxximitam Kassiisem

Tama Gudgud Geo political Caalatay Itiyoppiyak Makcaggur Le Raddittey Itiyo-Eretrah Taqabittey Amni Caalatay Wagittaamal Baarale Walal Abe Loonum Qaddoose.