Tigray Ayyuntah Faxximtam Salaam kee Aygadad Kinniimih Taagah Tah Aracat Haynuh Ayyuntalluk Gacak Taamitenno - Naharsi Malaak Abiyyi Acmad (PhD)

Addis Ababa Kaxxa Garabluk 10/2019 (ENA) Tigray Ayyuntah Faxximtam Salaam kee Aygadad Kinniimih Taagah Tah Aracat Haynuh Ayyuntalluk Gacak Taamiteloonum Naharsi Malaak Abiyyi Acmad (PhD) Qaddoysem.

Naharsi Malaak Abiyyi Acmad (PhD) EBC luk Tigregnah Afat Mablâ Garay Gexsem.

Naharsi Malaak Baaxoh Addal Takku Irol Geytimtah Tan Tigray Ayyunti Sarriinole Salaamah Macalaanam Faxximtam Kassiisem.

Inonti Xaleenat Tangorowuuy, Tonnah Kaadu Taqabi Addat Ayyuntiino kee Qidaddô Daddos Missoowuh Hangi Kah Cayuk Taamiteloonum Yescessem.

Yittikiyyeh Yan Qunxaaneyti Silac Tabisak Asqassaabê Siirat Fan Culoonuh Seeco Tatrusem.

Tonnah Kaadu Qande kee Siyaasâ Mirocti Gab Yacoonuh Seeco Tatrusem.

Doorol Madabak Tan Xiinisso Xissimtam Fan Ayyunti Amni kee Salaam Diggoysaanamih Taama Maqarroowak Gexelem Naharsi Malaak Qaddoysem.

Tigray Ayyunti Mirocti Doorooy, Buqre kee Efeq Daddosuuy Maqaddin kee Inxastirih Daddos Fan Culaanam Faxximtam Kassiisem.

Tigray Magaalol Koriixer Daddoosut Bilqittam Faxximtam Qaddoysem.