Higdef Eretrah Daddos Cabak Itiyoppiyah Naqboytitih Silac Tekkeh Tan - Naharsi Malaak Abiyyi Acmad (PhD)

Addis Ababa Kaxxa Garabluk 09/2019 (ENA) Higdef Eretrah Daddos Cabak Itiyoppiyah Naqboytitih Silac Tekkeh Tanim Naharsi Malaak Abiyyi Acmad (PhD) Qaddoysem. 

 

Naharsi Malaak Abiyyi Acmad (PhD) EBC luk Tigregnah Afat Mablâ Garay Abem. 

 

Naharsi Malaak Eretra Curriinok Afal Magaalol Qaxaleeh, Saytunuk Sugtem Takkay Immay Asaaku Qasriino kee Dadalak Idirih Raqteh Tanim Yescessem. 

 

Itiyoppiya Eretrah Exxak Sugteh Tan Udduurul 300uk Amoh Fabrikaaki Luk Sugteh Tanim kee Afrikak Inxastiril Dadalteh Tan Baaxok Tiyak Teenak Sugteh Tanim Kassiisem.

 

Asaaku Asmara Milaagime Wayteh Tanim kee Elle Ten Aracal Tanim Qaddoyseh Yan Naharsi Malaak Eretrah Ayyunti Curriinok Lakal Sugtem Inkih Wayteeh, Taamâ Fayxi kee Qibnaytiinol Amixxiguk Sugem Takkay Immay Asaaku Taqabi kee Guurot Geytimaanam Yescessem.

 

Tahak Sabab Higdef Eretrah Daddos Cabak Itiyoppiyah Naqboytitih Silac Akkuk, Rusas Yaceenimik Kalah Eretrah Ayyuntib Taqabi Tafdigem Xiqe Sinnim Qaddoysem.

 

Taturte 35Sanootat Kah Nublennah Meqe Cuggaane kee Toobokiinuk Kalah Gersi Doorit Ane Sinnim Baxxaqsem.