Itiyoppiya Qasa Badal Gactam Kee Edde Tantifiqeemih Gar Le - Masrik Siyaasâ Mekeelise Magxi Kalil

 

Addis Ababa Kaxxa Garabluk 06/2019 (ENA) Itiyoppiya Qasa Badal Gactam Kee Edde Tantifiqeemih Muddaqiinô Gar Leh Tanim Masrik Siyaasâ Mekeelise Magxi Kalil Qaddoysem.

Siyaasâ Mekeelise Itiyoppiyak Xaagi Raceenallih Luk Sugeh Yan Udduurul Masri Mirocti Itiyoppiya Qasa Bad Fanah Tandabbuh Abtah Tan Macal Sadaanam Kee Adaf Yakkoonuh Katayaanah Yanin Pooliisi Sadah Yanim Qaddoysem.

 

Masri Xer Mabla Kee Duddale Mirocti Yaalleh Yan Way Itiyoppiya Qasa Badat Tantifiqem Sadaanam Kee Adaf Edde Yakkeenimik Muxxi Qokol Abam Faxxiimak Sugtem Yescessem.

Itiyoppiya Leh Tan Baar Kee Ayyunti Mangaak Ugutak Qasa Badat Tantifiqeemih Gar Leh Tanim Qaddoysem.

Itiyoppiya Aydaadul Baddi Ikoytiinu Luk Sugteh Tan Way Cuggaane Baxooxah Bohoy Aw Taqabi Raceena Akkuk Sugtem Amixixge Waytah Tanim Kassiisem.

 

Qasa Badal Dariifal Tan Baaxooxa Sittin Fayxil Walalak Dariifa Sititngey Ginaanam Elle Xiqan Walalitte Abaanam Faxximtaamih Seeco Tatrusem.

Kayro Eretriyah Caagidil Kataytah Tan Pooliisi Sadeh Yanim Kee Msri Kee Gersi Qarab Baaxooxa A.L.L 1960ah Xisismteh Tan Eretriyah Amobaxxaaqah Fooxah Abeenih Yanin Qokol Kasiisem.

A.L.L 1991 Eretriya Currih Edde Tewqeeh, Itiyoppiya Bad Edde Wayteh Tan Margaqooqiqagitaak Kusaaqisaanam Faxximtam Baxxaqsem.

Siyaasâ Mekeelise Eretriyah Amobaxxaaqah Fooca Qoklaanam Namm Baxooxah Afanal Yanim Faxxiima Sugte Toobokiinu Kee Qokol Fantaaxaw Biyakeh Yan Aydaadi Hoax Kinnih Tanim Yescessem.