Awroppah Eglah Itiyoppiyah Sarrimaane Le Daddos Qokol Fooca Fanah Diggoosak Geytiman.

Addis Ababa Kaxxam Garabaluk 6/2019(ENA)Awroppah Eglah Itiyoppiyah Sarrimaane Le Daddos Qokol Fooca Fanah Diggoosak Geytimaanam Qaddoose.

Itiyoppiyak Agat Bankih Saqal Ayobu Tekaleng (PhD ) Miraacisah Yan Erga Baadak Maaliyyah Egla (IMF) Kee Baad Bankih Liggidi Koboxuk Xaqut
Awrobah Inkiinoh Eglak Baad Caddoh Qokolih Komishiner Jozef Síkela Lih Walelem.

Tama Walal Itiyoppiyah Qidaddoh Dadalah Naharasiino Yaceh Yan Yangalen Daddos Ajenxittel Sarriino Le Qokol Wagittaamal Baarale Walal Aben.

Awroppah Eglak Baad Caddoh Qokolih Komishiner Jozef Síkela Itiyoppiyah Awroppah Eglak Amaantinaane le Fantaaxaw Lem Qaddoose.

Ityoppiyak Afrikah Gaysa kee Baxsa Luk Qasbadih Dariifal Salaam kee Sabahalal Diggossuh Afrikah Gaysal Leh Tan Makcaggur Rakiiboluk Kaxxa Doori Digrak Geytimta.

Tonnah Awroppa Egla Kee Itiyoppiyah Fantaaxaw Diggoosak Rakiibo Daddosuy Kalah Tan Caagidal Sittaluk Fooca Fanah Taamitoonuh Sittin Gey Aben