Ityoppiya Qikkiboh Mablal Beerah Xisak Geytimta Baaxo. - ENA Qafar Afa
Ityoppiya Qikkiboh Mablal Beerah Xisak Geytimta Baaxo.
Ityoppiya Qikkiboh Mablal Beerah Xisak Geytimta Baaxo.
Ityoppiya Away Katayak Geytimta Qikkiboh Mablal Baaxoh Addah Duddal Oggoosimiyya le Gurral Koobahisak Baaxok Qidaddoh kee Siyaasa Qubsa Mafdaga Fanah Tabisak Geytiman.
Itiyoppiya Qimbisseh Tan Daddos Cugaysoosa Yayse Xalu Fanah Akah Tabsan Innah Abak Geytimta Baxaabaxsale Mablooli Mango Siyaasal Arcibisaanam Kee Agat Fayxi Baad Caddol Yaysennal Dacrisoonuh Qusba Caddo Fanah Gexak Geytimta.
Doolat xisne isih Is Dudda gaba kalti hinna Ta Qimbimteh Tan Milaagi Taamomi Tayse Caddo Fanah Beyaanam Elle Duudan Masquliyyata Kinni.
Tonna kinnuk qusbih xissimte doolat xiinisso ummattâ daddos kee salaam, qadaalat, tayse ayfaafitteh fayxiik ugutak ummattah faxximtah tan fayxitte lowsis gubat Haak Firacisanama.
Qusba Qikkibow Doolat Qidaddo Sabhalal Akah Tallenna Kee Maqiishat Gala Akah Yaynukusen Innah Abak, Baaxo Xayloh Limoh Dudda Akah Yaysiisen Innah Abaanam Kee Investimentih Dariifa Sabhalal Akah Yakkennah Abele Axcuk Qambaalan.
Itiyoppiyak Baddi Fordaa kee Fordaadih ikoytiinih caagidil salaam kee diplomaasih gexsit qusba doolatak qammaltah tan kaxxa taama kinni.
Qusba Qikkibow doolatak ciggilta taama xisoosa xisaanam dubuh hinnay toh kalah xagnimteh gexsittuh daddos cugaysoosa qimbimte.
Taturte Sanootah Buqrey, Sanaqatah, Maqdiin, Dijital Maddur, Wacaysir, Cayli Daddos Kee Daddos Luddal Yunkuttube Dadal Bisoh Axcele Axcuk Qambaalan.
Buqrek sirray murti baarisaanamay, Gadbo Xaloot maqarroosaanamay, buqre murti dadlisaanamay, inxastari murti baarisaanamay, maqaadin gadditte gitah dadlisaanamay, dijital tabaatabsa yasissikeenim kee wacaysir gadditte qidaddo daaran fan korsaanam kaxxa tuxxiq le.
Agat Xisneh Gexsit Inki Waktih Taama Hinnaamih Taagah, Kulli Luddal Yeyseqerrime Arac Yaysiiseenim Kee Inkih Tan Duddat Xisneh Xisneh Maqarros Fooca Fanah Akah Gexannah Abaanam Faxximta.
Ta Makcaggurul Gexsitil Baaxoh Addah Dudda Maqarroosak Afrikak Yasgalleh Yan Fantaaxaway Sittaluk Dadlaanam Naharasiino Acyuk Itiyoppiya Qarangubah Kee Baad Caddol Leh Tan Oggol Diggoosak Geytiman.
