Ityoppiyak Baddi Furdah Ikoytiinu Ganuunu Iroh Yan Gital Cankâ Marih Margaqal Wayte - Habib Macammad(PhD)

Addis Ababa Kaxxa Garabaluk 4/2019(ENA) Ityoppiyak Baddi Furdah Ikoytiinu Ganuunuk Iroh Yan Gital Cankâ Marih Margaqal Wayteh Tanim Qafar Rakaakayak Afaay Qaad kee Aydaadi Kussaaqih Inistituyutuk Naharsi Saqal Habib Macammad(PhD) Qaddoose.

 

Ityoppiyak Baddi Furdah Ikoytiinu Aydaadul Hoxah Tan Yeexegen Butta Madqâ Rakiibok Iroh Ummatta Elle walalise Kalah Furda Sinni Baaxoh Tekkeh Tanim Qaddoose.

 

Baaxo kee Ummatta Masquuliyyat Akah Antaabe Sinni Yeexegen Butta Abteh Tan Margaqa Itiyoppiyah Aydaadul Kaxxa Anxaqa Daffesseh Tanim Diggoose.

 

Qasabada Itiyoppiyah Aydaadul Boolital Loowimta Liggiditteh Edde Antifiquk Sugtem Ascassuk Aksum Dabaanak Xabbahaanam Qadolis Furday Ilaa Qasaba Fanah Itiyoppiyah Baxaabaxasale Furditte Dooqaysimak Temeeten Aydaadi Tû Yaaxige Habib Macammad(PhD) Qaddoyse.

 

Qasabad Aydaadul Dumaak Itiyoppiyak Exxak Teena Sugeh Yanim Ascassuuk Baad Ganuunul Baddi Furda Geytaamih Gar Leh Tanim Yescesse.

 

Away Baaxo Xiinissah Tan Doolat Baad Ganuun Katayak Baddi Furda Geytimtuh Faxxinta Taama Abak Geytimtam Qaddoyse.

 

Baddi Furda Tellemmo Dubuk Hinnay Agat Muddaqiinoy, Dariifâ Nagayaniina Diggosoonuh Qammidu Kinnim Qaddosse

 

Itiyoppiya Kee Qasa Bad Daayiman Sittak Baxsimteh Mannoowtam Maduddaamih Taagah Qasabad Itiyoppiyak Muddaaqinot Axawah Yanim Habib Macammad(PhD) Kassiise.