Agat Caddol 19 haytoh Addah Yassakaxxen Simbil Ayro Qafar Rakaakayih Caddol" Ni Simbil Ni Agatih Sittingey kee Inkittiino " Intah tan itrol Samara Magaalal Yessekexxen.

 

Addis Ababa Kaxxagarabluk 02/2019 (ENA) Agat Caddol 19 haytoh Addah Yassakaxxen Simbil Ayro Qafar Rakaakayih Caddol" Ni Simbil Ni Agatih Sittingey kee Inkittiino " Intah tan itrol Samara Magaalal Yessekexxen.

 

Tama Aracal Rakaakayak Naharsi Majlis Afteena Massakaxxa le Faatuma Macammad Kee Rakaakayak Ciggiila Perezxentiy, Ardi Biiro Saqal Gifta Caamid Duula, Fayyale Miraaciinuy, Saay Caylih Miraaciinu kee Adoytit elle Geytimak Simbil Saare kee Qadarittey, Tonnah Fixixisah Cayla kee Poliis Adoytit Qaskariyyoh Mayballaata elle Abak Assakaxxuk Maacisen.

Tama Qaffaydal Rakaakayak Naharsi Majlis Afteena Massakaxxa le Faatuma Macammad itteemih Simbil Ayro Nassakaxxeh Nan wak Ni Simbil kee Baaxo Muddaqiinoh Fida mekalak temeeteeh, Uxih Mekelak geytimtah tan Ni tooboko edde Kassitnaah, Mamaxxaga keenih edde Naceeh nan Ayro kinnih tanim kasiisak, Tonnah Agat inttingeyiy, toobokiinu kee inkittiino edde Diggosna Ayro kinnih tanim qaddosse.

 

Rakaskayak Ciggiila Perezxentiy, Ardi Biiro Saqal Gifta Caamid Duula Asaakih Ayro itiyoppiyah Xaylo sinni Simbil kee Baaxoh Dagarraq Diggossuh Mekelak temeeteh tan fida edde Kassinnaah, Tonnah Agat Muddaqiino kee Kunnabna edde Baxxaqisna Ayro Kinnim Yescesseh Yanim Qafarak Mangaafa Retteemah Oyti Yascessem.