Inkih Tan Ummatta Gabat Aglel Assakat Le Xaloot Amballayuk Geytima -Presidenti Tayye Asqhesillase - ENA Qafar Afa
Inkih Tan Ummatta Gabat Aglel Assakat Le Xaloot Amballayuk Geytima -Presidenti Tayye Asqhesillase
Addis Ababa,Qunxa Garabluk 26,2019 (ENA) Inkih Tan Ummatta Gabat Aglel Assakat Le Xaloot Akah Yankuttubennah Xiqsissem Presidenti Tayye Asqhesillase Qaddoose .
Efederik Ummattah Awlaytit Kee Federashion Mabah Buxak 7Heele Taama Liggidak 1Heele Sanatih Kobox Naharsi Malaak Dr Abiyyi Acmad Elle Geytimak Gexsen.
Prezdenti Tayye Tama Fakkenti Tadderal Abeh Yan Yaabal Inkih Tan Ummatta Gabat Aglelel Doolat Kee Ummatta Sittallih Cattimak Abteh Tan Cugaysossay Tonnah Tadderaari Yambulle Xaloot Geysissem Qaddose.
Celalloh Anxaxin Raatih Taddera Itiyoppiyal Garbo Akah Bulumtannal Kaxxa Doori Digirtem Yescesse.
Ossotinah Ux Uddurih Addat Baxsale Xaloot Elle Yunkuttubem Koridor Daddosih Uguugus Kinnim Kassise.
Tannah Tan Xalotitte Doolat Teyye Ekraaro Ayyunti Abinal Akah Asisannay Tonnah Ayyunti Isinni Dirkik Akak Awquk Tekkem Kinnim Yiysixxige.
Itiyoppiya Abak Geytimata Dadala Tamballeh Tonnah Lowmita Caagidal Yabluseenim Dudumtam Ascassuk Sanatat Gabosan Buqre Murti Sanat 2011 Elle Suge 335 Milliyonih Kuntalak 1 Ximmoy 3 Billiyonih Kuntal Gufeh Yanimit Yaabe.
Iro Tellemmoh Culentak Qimboh Addah 11 Ximmoy 2Billiyonih Dollar Yunkuttubem Kee Irok Culta Saanih Invistimentittek 4 Ximmoy 5 Billiyonih Dollar Gufeh Yanimi Yiysixxige.
Tonnah Abuud Xayyos 1 Ximmoy 3 Trillionih Birri Gufem Kee Qadaga Gala Sanat 2018 13 Ximmoy 4 Gaba Ramma Inteh Tanim Kee Amolladih Baaxoh Addah Culenti 1 Trilliyon 980 Billiyonih Birri Gufeh Geytimam Yescesse.
