Xongolô Matatcook, Amaana Fan

 

Dooro Ximokraasih Sirratih Xisneh Rakiibo Kinniimik Muxxi Ayyunti Baaxol Fooci Gexso Elle Madqan Aydaadi Gugud Kinni.

Itiyoppiyah Xaylo Kulli Udduurul Ken Taafeh Tan Siyaasah Oobay Eweqiiy, Ayyuntiinô Taqabi Kee Aqayyareeral Xiq Kee Diggal Taturak Ta Saaku Qusba Doolat Xisne Gufeenih Geytiman.

7heele Amolladi Doorol 54miiliyeenik Daga Yakke Ayyunti Doorô Fantenaanil Geytimak Yeceenih Yanin Xongolo Ixximak Muxxi Kaxxa Maqna Lem Tamixxigem.

Baaxoh Inkittiino Maqarroysaanmaay, Madqa Dagarraq Dacrisaanam Kee Ayyunti Sarriino Qaago Kee Dadal Abbinoysoonuh Tomcowweh Tan Ayyunti Awalytiino Kinni.

Tah Curriino Kee Salaamal Fayyale Xongolol Ayyunti Baaxô Dadalaay, Salaam Kee Muddaqiinoh Leh Yan Fayxi Elle Yuybullen Saami Kinni.

Asaaku Xissimtah Tan Qusba Doolat Ta Miliyooonittel Loowmita Ayyunti Fayxi Kee Aaamantil Rakiiboh Tan Maqarle Miraaciinu Xisaanam Xiqsiisa Amaana Keenil Tanim Tamixxigem.

Ayyunti Xongolol Tabsen Amaana Qusba Doolat Agat Salaam Dacrisaanamaay, Qidaddô Dadal Yaysissikeenim Kee Ayyunti Essero Qadliinol Gacsaanamih Qaaqa Keenil Tan.

Tohih Taagah Ta Aydaadi Ayyunti Amaana Nummale Ayfafaafayal Macal Kee Meqê mariinol Kak Yawqoonuh Qusba Taama Kee Aydaadi Mafdagah Qimbo Kinni.

See less