Masri Aswan Karawwad Baatil Nagra - Lee kee Elmô Malaak Injiner Habtaamu Itefa (PhD) Elle Fiirisennal 

Masri Aswan Karawwad Afrikal Centebbaaruk Tan Karawwadittek Tiyak Teena Kinni. Karawwad Xisne 100alfiik Dagah Nubiyawiyan Buxaaxi kee Dariifak Xiiriyak Kaxxa Taqabih Gadda Abte.

 

Aswan Karawwadih Xisne Inki Mari Fayxi kee Maaqattat Baatil Raat Elle Yumbulle. Itiyoppiya Too Udduurul Kusaq kee Agaarad Yakkuh Qagaaqagitak Seeco Xayyossem Takkay Immay Karawwad Itiyoppiyah Idni kee Sittingey Maleh Xissiime.

 

Ameerika kee Biritaaniya Too Udduurul Kusaq Sanadittel Aswan Karawwadih Xisne Faacissoosa Baaxooxallih Malise Kalah Yekkeemih Bohoy Qaddoosak Sugen. 1952ak 1960 Fanat Yan Udduurul 15takke Tamixxige Guubitte Ta Bohoyul Fiirisen.

 

Takkay Immay Itiyoppiya Asqassaabe Karawwad Awroppah Liggidih Loowok 2015uh Abteh Tan Sitringey Miracsentaak Ugutak Qasriino Madqa Mafdaga Katayak Xissiime. Masri Itiyoppiya Sadaamak Naharal Aswan Karawwad Itiyoppiyah Sitringey Maleh Macah Xisseeh, 100alfiik Dagah Nubiyawiyan Buxaaxi kee Dariifak Macah Xiiriytem Qaduuk Qaddossem Faxximta. 

 

Masri Aswan Karawwad Faxe Faacissoosa Baaxooxallih Malise Kalah Xisseeh, Tonnah Kaadu Kusaq Akke Kalah Nubiyawiyan Buxaaxi kee Dariifak Xiiriyak Kaxxa Taqabih Gadda Abtem, Karawwadak Baatil Nagra Kinni. 

 

Itiyoppiya too Udduurul Agaarad Yakkuh Xayyosse Essero Masri Katuk Oggol Magenna. Tahak Saduh Asqassaabe Karawwadal Itiyoppiyaay, Sudaan kee Masri Awroppah Liggidih Loowok 2015 Liggidah Abteh Tan Sitringeyil Walal Absisse. Ta Caddok, Masri Nabah Yan Asqassaabe Karawwad Wagittaamal Itiyoppiya Sadduh Uli Qaynatih Moral kee Sabab Mali.