Naharsi Malaak Abiyyi Acamd(PhD) Ximoli Kee Qunxa Garablih Addat Abbinoose Maftacak Tan Taamoomi

 

Algin Raat:-

"Qaago Daabisnay “ Inta Itrol Gexsitak Suge sanat 2018 Algin Raatih Taddera Sabab Abak Coox Daabisso Taddera Gexsem Kee tama Tadderat Naharsi Malaak Abiyyi Acmad(PhD)Kee Kay Buxah Ina Zenash Tayyachew Kee Doolatak Fayyole Mirocti Edde Tengeleh Sugte.

Ayyuntiinô Caagida:-

Naharsi Malaak Abiyyi Acmad(PhD) Qusba Sanat Sabab Abak Unkaqiino Farmo Tatrusek Lakal Naharsi Malaakih Kutbeh Buxa Qarissa Alaaqa Baritto Mansoofah Qokol Abem Kee Kutbe Buxak Gaba Dagoytitih Maaqiddi Qokol

Xinissoh Caagida:-

Naharsi Malak Abiyyi Acmad(PhD) Elle Geytimak Malakoti Malah Buxak 59 Heele Madabiinoh Koboxul Federalak Taama Selta Makaadoy Rakkissoy Reeda kee Abbinos Margaqay, Agat oyti Xinissoy Elmo Luddih Maysaasay, federalak Culenti Edde Xintay Agat Kalali Qande Qaguntih Maysaasay Tonnah Baxaabaxasale le Caagidal Walalak Margaqooqi Elle Tatrusen

 

Cugaysoosa Qimbsiisiyya kee Dooqayso:-

Mojo Qasri Lojistik Fanteenah Baarisiyyak Qimboh Addah Naharsi Malaak Abiyyi Acmad(PhD) Ells Geytimak 60 Hektaar Baaxol Xissimak Geytimta Sergalel Baarissoh Cugaysok Taama qimbsissoh Taddeera Gexisem Itiyoppiya Afrikal Curik Tan Tellemmoh Baarsoonuh Diggaluk Taamitak Terminaalitte Kee Qasri Makaadinitte Sanatal 1 Miliyoon Takke 20 Footimah Konteyneritteh Tabbixsiisoonuh Dudda Lem Kinnim Qaddoosen.

Diplomaasii kee Nammay Takkoh Fantaaxaw:

Naharsi Malak Abiyyi Acmad(PhD ) Elle Geytimak, Ityoppiyak Agat Banki Kee Baadak Maaliyyah Korporeeshin (IFC) Fanal Aydaadi Qokolih Rakiiboh Sittin Gey Gili Aben. Ta Sitingey Itiyyobiyak Qimboh Addah Bicale Abuud Qagitaak Maaliyyah Catoh Kambani Xiselem kee 1.5 Milyoonih Duddaleeh Massakaxxale Buxaaxi Xayyosoonuh Tuxxiqle Maqatta Kinnim kee Canka Sekteritteh Gabat Agle Yasmitenimi.

 

Tahak Ugut Abak, Naharsi Malaak Edde Yengeleh Yan 18hytoh BRICS Miroctiy Koboxul Hindi Bicise. Tama Koboxut Hindiiy, Rusiyaay, Chaynaay, Tengele Qarab Emaraatittey, Iranay, Malaysiyaay, Kazakistan Kee Vetnaam Mirocti Lih Sitta Lih Taamitaanamih Caagiidal Namma Baaxoh Walal Gexsen. Ta Koboxul Itiyoppiya COP32 Fanah Abak Geytimta Dadal Qokolteh, Baadak Kabxxah Eglah Angaaraw Leh Tan Gexsit Maqarroosak, Afrikah Baadak Sivil Aviation Eglah Faximtuh Inki Xongolol Faticisen.

Naharsi malaak tama alsih addat Jabuutil madabiinoh gufne abeeh tama gufneh uddur Prezdenti Ismaaqil Qumar Guelleh kee Aliko Dangote Lih Afrikah Qokol Diggoowele Dewole-Darmejog Refined Petrolium Pipeline Cugayso Qimbisisiyyi. Ta Daddos 120 Kilomitirih Gideh Jabuutik Darmejog Ilaa Itiyyobiyak Dewole Fanah Baddi Gitaih Siragle Lee kee Baaxoh Addal Dafeyna Fanteenani Yabuutik Baaxoh Addah Dafeyna kee Baarisiyih Fanteenani Itiyyobiyak Dewole Addal Yasgooroweenimiiy, Toh Kinnim Lojistiik Sukati Siirat Bicisele.

Alsi Illacabol Addis Ababak Boole Baad Tayyaara Booxal Somaaliyah Prezdenti Casan Shek Macamud Garayyo Abeh Yanim Kee Tonnah Kaadu Kenyal Gexsen Laamu Siragle Lee Saffosiyyih Fabrikaak Giti Xisoh Tadderat Yengele.