Itiyoppiya Masri Agaaguluse Cugaysoosa Kusaaqissa Makaado Xissem.

 

Addis Ababa Qunxagarabluk 21/2019 (Ena) Itiyoppiya Masri Sababah Agaagulitte Lee Cugaysoosah Qidaddo Kasaar Akee Xaqxaqte Daddos Saamitte Kusaaqissa Agat Makaado Xiseenim Lee Kee Elmô Malaak Injiner Habtaamu Itefa Yiyssixgem.

Lee Kee Elmô Mlaak Injiner Habtaamu Itefa Itiyoppiyak Xaagi Raceenah Elle Qaddoysennal Nabah Ya Asqassaabe Karawwad Edde Anuk Masri Agaagulisse 22ak Daga Takke Cugaysoosa Baxisak Taam Afan Culseenim yescessem.

Itiyoppiya Xer Udduurih Bohoy Abbay Weeqaytitteh Daddos Wagsiisak Dadalak Yemeete Tuutaxago Qokol Yanim Kassiisaak, Tahal Gufteh Tan Qidaddo Kasaara Kee Xaqxateh Tan Daddos Saamitteh Elle Gacsan Essero Maqarroyseloonum Qaddoysem.

Qusbih Xissimteh Tan Makaado Cugaysoosal Oytitte Maqarroysak, Itiyoppiyah Mekla Elle Abak Esseroora Kusaaqisak Geytimaanam Yescessem.

Makaado Kasaara Caddo Kee Tah Mekkelsiisan Gexsititteeta Kusaaqissa Mihratleelaay, Maloktiiy, Fayu Abeenit Kee Madqa Mihratleela Edde Geytimtam Baxxaqsem.

Awayih Uddur Nabah Yan Asqassaabe Karawwad Edde Anuk, Baxaabaxsale Cugaysoosa Masri Sababah Agaagulitte Wagittaamal Oytitte Gaaboyseenim Baad Ayyuntih Foocal Baatilik Tan Abto Itiyoppiya Meysisoonuh Gabbtak Sugeenimit Yaabem.

Makaado Gexissah Tan Kusaq Abbinoowe Wayuh Tekkhe Tan Cugaysoosa Dubuk Hinay Itiyoppiyak Dariifa Dacayrih Macalotte Kee Lee Xiinissoh Rakiibo Daddoosul Addah Raqta Faacissoosa Taceh Tan Tuxxiqitte Kusaaqiselonum Baxxaqsem.

Algin Raatih Taddeeral 50biiiyeenik Dagah Caxa Daabimtem Kassiiseh Yan Ta Malaak Thah, Baarooy, Abbay Kee Tekeze Edde Anuk Mango Daqooritil Faacissoosa Taama Tekkeh Tanim Yescessem.

Ta Dariifa Dacayrih Tekkooka Itiyoppiyak Lee Gadda Dacrisoonu Kee Abbay Faacissoosal Rosqa Milaagih Xukkooka Kalaloonuh Tekkeh Tan Macalitte Kusaaqiseloonum Baxxaqsem.