Itiyoppiya Kee Jappan Ruddi Murtisso Qasriinol Le Gurral Yamrutoonuh Qokol Sittin Gey Aben.

Addis Ababa; Qunxa-Garabluk 20/2019 (ENA): Itiyoppiyah kee Jappan Ruddi Murtisso Qasriinol Le Gurral Yamrutoonuh Buqre Mashinitte Qokol Abak 360 Miliyeen Jappan Yen ( 375 Milyoonih Birri) Qokol Sitin gey Aben.

 

Tama Qokol Sittin Geyih Taddeeral Maaliyyah Malaakah Yan Gifta Acmad Shide Jappaan Doolat Awlisak Geytima Ambassador Shibata Hironori Jappan Baadak Qokol Ajensik (JICA) Itiyoppiyah Kutbeh Buxak Naharsi Awlaytuh Yan Hiroyuki Yakushi Elle Geytimak Sittin Gey Aben.

 

Tama Qokol Buqreh Arooca Edde Missoosan Mashinittey Murti Maxxat Yaysiiseenim Murtissoh Edde Gaabosan Alaatittey Tonnah Faxximitah Tan Buqreh Mashinittey Elle Xayyoosen.

 

Itiyoppiyak Qidaddoh Dadal Yaysiisikoonuy

Maaqiddi Kibaalissoh Diggoosnuy Barri Dariifak Manoh Caalat Yaysiisoonuh Buqreh Kaxxa Doori lem Maaliyyah Malaak Acmad Shide Qaddoose.

 

Doolat Qasriyyo le Teknoloojit Cattiimak Baxsale Hangi Akah Acyuk murti dadlisaanamaay buqreh xiinah mano yaysiiseenimih Caddol Diggaluk Taamitak Geytimanm

 

Jappaan Doolat Kee Ummattah Maaliyyah Qokol Xer Waktih Lon Fantaaxaw kee Qallah Gadda Gacsem Tohuk Kalah Jappaan Baadak Qokolih Ajensi (JICA) Itiyoppiyak Buqreh Daddoosih Akkuk Geytimta Qokol Kaxxam Ruffa Kaa Haytem Qaddoose.

 

Itiyoppiya Kee Jappaan Sittin Gey Meqennal Abbinoysoonuh Lon Margaqa Qagitaak Diggoosen.