Qafarat Yakke Muddaqiino Gaadu Kee Warar Wagittaamal Qunxaaneyta Luk Walal Gudgud Gexsen. - ENA Qafar Afa
Qafarat Yakke Muddaqiino Gaadu Kee Warar Wagittaamal Qunxaaneyta Luk Walal Gudgud Gexsen.
ADDIS Qunxagarabluk 19/2019 (ENA) TPLF Qarkaakisaay, Shqaqbiyya kee Ganeenit Qafar Ummattal Fakteh tan Muddaqiino Gaadu Wagittaamal Qunxaaneyta Luk Walal Gudgud Samara Magaalal Gexsen.
Tama Gudgudul Rakaakayak Ciggiila Prezixentih Bilhadal Ayyuntiino Kilasterih Koobaahiseey, Rakaakayak Qaaday, Qunxaaneyta Kee Isporti Biiroh Saqal Gifta Caamid Duula kee Leeda Partik Qafar Rakaakayih Luddih Ku Buxak Xisne Langih Saqal Gifta Walqo Aytile Edde Anuk Rakakaayak Fayya Le Miraaciinuuy, Diini-abbobtiiy Rasi Rasleey, Qunxaaneyta kee Sayyo Edde Tengele.
Rakaakayak Ciggiila Prezixentih Bilhadal Ayyuntiino Kilasterih Koobaahiseey, Rakaakayak Qaaday, Qunxaaneyta Kee Isporti Biiroh Saqalah Yan Gifta Caamid Duula Tama Aracal Abeh Yan Yaabal Iyyeemih Ganeenit Away Abbinossam Marin Mabla Kee Ajenxa Kinnih Tanim Ascassuuk Qafar Qunxaaneyti Yakkeh Yan Muddaqiino Gaadul Inkim Akkaluk Gexam Faxxintah Tanim Yescesse .
Gifta Walqo Aytile Leeda Partik Qafar Rakaakayih Luddih Ku/Buxak Xisne Langih Saqal Kinnuuk Iyyeemih Ganeenit fan Kak Gexxem Qafarak Aydaadi Naqbiytiit Kinnuuk Oson Loonun Itiyoppiya Aggiluk Marin Gaba Qambalta Qafar Ginaanamih Fayxi Kinnuuk Qunxaaneyti Tahak Garci Yakkem Faxxiime Waytah Tanim Kassiise.
Tama Gudgudul Leeda Partik Qafar Rakaakayih Luddih Ku Buxak Qunxaaneyti Galih Saqal Gifta Qabdulkaadir Macammad Qafar Ummattal Carbi Kah Fakeenimik Sababay, Ganeenitik Derret Tanim Iyya Kinniimil Qunxaaneyti Inki Mabla Kah Yallennah Fidin Kutbeyta Xayyoose .
Xayyooweh yan Sandal Gudgudul Geytimeh yan Miraaciinuuy, Diini-abbobtiiy, Qunxaaneyta kee Sayyo Baar Le Walal Edde Abak Ganeenit Qafarah Bahtu Wayta Curriyat kee Tuxxiiq Ane-waam Kee Keenik Derret Taniih, Farmot Kenlem Iyya Kinnim Cedeenih Yaniinim Kee Carbi Edde Yakkeh Yan Ummattah Sissik Qokol Yakkem Faxxintah Taniimil Itta Geen.
Tama Gudgudul Qafaral Yakkeh Yan Carbil Biyaakittah tan Ummattah Qokol Kee Hanaawi Aboonuh Malcina Maktab Axcih ,Qunxaaneyti Fesereshiniiy, Sayyo Federshiniiy, Qunxaaneyti Malah Buxaay, Musliniin Qunxaaneyti Malah Buxaay, Qunxaaneyti Galiiy, Sayyo Gali kee Qafar Kabxaabak Sayyoh Egla Edde Tan Muddaqiino Makaado Xisen.
Illacabol Gudgudul Geytinteh tan Maritte " Ni Ummattah Biyak Ni Biyaakay, Ni Ummattâ Wadaanam Ni Qaaqa!» Inta Itrol Foocah Ummatta Xaqul Sooleloonumul Xagana Culeenim Qafarak Mangaafa Retteemah Oyti Yascassem.
