Xamerjongiik Xewelle Siraglele Suuquntih Cugaysoh Baarisso Dariifâ Qidaddô Fantaaxaw Aysissikele. - ENA Qafar Afa
Xamerjongiik Xewelle Siraglele Suuquntih Cugaysoh Baarisso Dariifâ Qidaddô Fantaaxaw Aysissikele.
Addis Ababa Qunxagarabluk 18/2019 (ENA) Jibuutik Xamerjongiik, Itiyoppiyak Xewelle Fanal Baarimu Waa 120kiilo Mitirih Siraglele Edde Gexxa Suuquntih Cugayso Namma Baaxoh Qidaddô Fantaaxaw Maqarrossaamak Kalah Ayrô Mawqah Afrikah Dariifah Qidaddô Fantaaxawah Aysissikelem Tuutaaxago Qaddossem.
Ta Cugayso Itiyoppiyak Investiment Holxingi kee Xangote Girup Sittallih Bicseloonuh Yanin Way Inki Miiliyeen Kibuk Mitirik Muxxi Saffoowe Siraglele Murtitte Tatrusaanam kee Yabbuxeenimih Dudda Leh Tanim Yescessen.
Ta Cugayso Naharsi Malaak Abiyyi Acmad (PhD), Jibuutî Perezxanti Ismaaqil Qumer Gelle kee Xangote Girup Leena Aliko Xangote Elle Geytimak Qimbisiisen.
Xamerjongiik Itiyoppiyak Xewelle Fanal Baarimu Waa 120kiilo Mitirih Siragleleh Cugayso Siraglele Xayyos Aysissikuk Loojistiksi Taqabitte Sahhilooselem Qaddoysen.
Hawaasah Jaamiqatak Biznes kee Kelleejih Xiin Pr Wegebe Marqhos (PhD ) Itiyoppiyak Xaagi Raceenah Elle Qaddoysennal Ta Cugayso Itiyoppiya kee Jibuuti Fanal Raage Xer Daboonah Fantaaxaw Dadlisak Qidaddô Fantaaxaw Maqarroyselem Yescessem.
Qidaddô Gaddih Tuyaaxigi Xerejje Xejene Itiyoppiya Afrikah Gaysah Dariifal Leh Tan Aytigexxo kee Sittin Qokol Dadlisaanamal Taamitak Geytimtam Qaddoysem.
