Itiyo-Jibuutih Siraglele Edde Gexxa Suuquntih Cugayso Baaxo kee Dariifâ Qidaddô Qokol Maqarroysele - Tuutaaxago 

Addis Ababa Qunxagarabluk 16/2019 (ENA) Jibuutik Xamerjongiik, Itiyoppiyak Xewelle Fanal Baarimu Waa 120kiilo Mitirih Siraglele Edde Gexxa Suuquntih Cugayso Namma Baaxoh Qidaddô Fantaaxaw Maqarrossaamak Kalah Ayrô Mawqah Afrikah Dariifah Qidaddô Fantaaxawah Ceelallo Kinnim Tuutaaxago Qaddossem.

 

Ta Cugayso Itiyoppiyak Investiment Holxingi kee Xangote Girup Sittallih Bicseloonuh Yanin Way Inki Miiliyeen Kibuk Mitirik Muxxi Saffoowe Siraglele Murtitte Tatrusaanam kee Yabbuxeenimih Dudda Leh Tanim Yescessen. 

 

Ta Cugayso Naharsi Malaak Abiyyi Acmad (PhD), Jibuutî Perezxanti Ismaaqil Qumer Gelle kee Xangote Girup Leena Aliko Xangote Elle Geytimak Qimbisiisen.

 

Xamerjongiik Itiyoppiyak Xewelle Fanal Baarimu Waa 120kiilo Mitirih Siragleleh Cugayso Siraglele Xayyos Aysissikuk Loojistiksi Taqabitte Sahhilooselem Qaddoysen.

 

Addis Ababak Saynis kee Teknoloojih Jaamiqatak Ikonomiksi Barseenaay, Kusaq Abe Dugasa Mulugeta (PhD) Itiyoppiyak Xaagi Raceenah Elle Qaddoysennal Ta Cugayso Itiyoppiya kee Jibuuti Fanal Raage Xer Daboonah Fantaaxaw Dadlisak Qidaddô Fantaaxaw Maqarroyselem Yescessem.

 

Wachamoh Jaamiqatak Siyaasâ Misso kee Baad Caddoh Angaarawih Exxah Barseenaay, Kusaq Abe Xaaniyel Hanxino (PhD) Itiyoppiya Afrikah Gaysah Dariifal Leh Tan Aytigexxo kee Sittin Qokol Dadlisaanamal Taamitak Geytimtam Qaddoysem.

 

ENA Xijjitaal Miixiyah Doorititte Doorita፦ https://www.ena.et/web/links