Itiyoppiya-Jibuutih Siraglele Edde Gexxa Suuquntih Cugayso Loojistiksi Awqenta Yaynukusoonuh Kaxxa Doori le. - ENA Qafar Afa
Itiyoppiya-Jibuutih Siraglele Edde Gexxa Suuquntih Cugayso Loojistiksi Awqenta Yaynukusoonuh Kaxxa Doori le.
Addis Ababa Qunxa Garabaluk 16/2019(ENA)Jabuutik Damerjogiik Xabba Haanam Itiyoppiyak Xawelle Fanah 120 Kilo Mitirih Takkeh Siraglele Tatrusiyyeh Suuquntih Cugayso Loojistiksi Awqenta Yaynukusoonuh Kaxxa Doori lem Itiyoppiyak Investimentih Holxingi Qaddoosen.
Itiyoppiyak Investimentih Holxingi kee Xangote Girup Sittallih Cattiimak Bicisak Geytiman Cugayso Kinnim Qaddosse.
Ta Cugayso Qimbisisso Taddeeral Naharsi Malaak Abiyyi Acmad (PhD) Jabuuti Perezxanti Ismaaqil Qumer Gelley Xangote Girup president Aliko Xangotelluk Elle Geytimak Qimbisisso Taddeera Gexiseenim Tamixxige.
Itiyoppiyak Investimentih Holxingi Leena Taama Gexseenah Yan Burok Tayye(PhD) Pluse Of Africa Luk Abeh Yan Yaabal Iyyeemih Ta Cugayso Baarissoy Makcagguruk le Cuduuduk Tabak Takkeh Tan Rakiibo Daddosih Taamak Ceelallo Kinnim Qaddoose
Itiyoppiya-Jabuutik Siragle Lee Murtittek Tabaatabsi Giti Itiyoppiya Kee Jabuutik Yasgoorowe Istrateejik Yan Siragle Leeh Tubboh Pirojekti Sittaliino Rakiibo Leh Tan Daddos Taama Kinnim Diggoosem.
Namma Baaxok Qidaddoh Dadalah Kaxxa Fayda Allalem Ta Cugayso Ascassuk Sissikuk Mexxat le Gurral Akah Tumurruqennah Diggaluk Taamitak Geytimaanam Qaddoose.
Itiyoppiyak Investimentih Holxingi Agat Fayxi Fanteena Abak Ta Cugaysok isinni Loftak Yawqoonuh Taamitak Loojsitik Gexsit Qasriyyo leh Yan Merraytu Fanah Milaagonuh Macalak Geytiman.
