Itiyo-Jibuutih Siraglele Edde Gexxa Suuquntih Baarissoy Makcagguruk le Cuduuduk Tabak Takkeh Tan Rakiibo Daddosih Taamak Ceelallo Kinni.

Addis Ababa Qunxa Garabaluk 14/2019(ENA)Itiyo-Jibuutih Siraglele Edde Gexxa Suuquntih Baarissoy Makcagguruk le Cuduuduk Tabak Takkeh Tan Rakiibo Daddosih Taamak Ceelallo Kinnim Naharsi Malaakih Kutbeh Buxah Qaddossem

 

Itiyoppiya-Jabuutik Siragle Lee Murtittek Tabaatabsi Giti Itiyoppiya Kee Jabuutik Yasgoorowe Istrateejik Yan Siragle Leeh Tubboh Pirojekti Sitta Lih Gacak Qimbisiisen.

 

Tamaham Cuduuduk Tabta Rakiibô Daddoosih, Cugayso Kinnim Qaddoosen. Tama Cugaysok Hadaf Itiyoppiyak Cayli Amaana Yaysiiseenimiiy, Dariifak Kabxxah Angaaraw Diggoosaanamaay, Siragle Leeh Murtitte Jabuutik Itiyoppiya Fanah Amaanah Meqennal Akah Culta Innah Abaanam Kinnim Qaddoosen.

 

Ta Cugayso Itiyoppiya Investment Holdingitte Kee Dangote Buttah Sitta Lih Abak Geytiman Investimenti Kinnim Qaddoosen.

 

Jabuutik Damerjogiik Xabba Haanam Itiyoppiyak Dewele Fanah 120 Kilo Mitirih Gide Takke Ta Cugayso Dammerjog Magaalal Geytimta Baddi Addah Naafitat Geytimtaah, Dewele Magaalal Geytimta Baaxoh Addah Daffeyna Kee Baxsi Fanteenit Lih Angaaraw Leh Yan Integrated Fuel Lojistikih Siirat Xisimele. Dammerjog Terminaalal geytimta petrol murtitte baxsale kobxissoh aracal geytimta; Tahak Ugut Abak Itiyyobiyal Baarluk Baxacoonuh Mango Ayfaf Sukati Xabaxih Gitaak Xewele Fanah Beereloonum Warsen.