Itiyoppiya Baadak Tellemmoh Cugaysoh (WTO)Adoyta Takkuh Sanootah Gexisak Sugte Agaarad Elle Cabo Mafdaga Xayyooweh Geytima.

 

Addis Ababa Qunxagarabluk 13/2019 (ENA) Itiyoppiya Baadak Tellemmoh Cugaysoh (WTO)Adoyta Takkuh Sanootah Gexisak Sugte Agaarad Elle Cabo Mafdaga Xayyooweh Geytimam Tellemmo Kee Dariifa Fantaaxawih Malaak Yiysixxigem.

Itiyoppiya Mango Sanoota Lowsiiseh Yan Agaarad Gexsitik Gaba Kaltek, Baadak Tellemmo Cugaysoh Adoyta Takkuh Abak Geytimta Baarle Qdaddo Maysaasa Sarriinole Daddos Aysissikele Axcuk Qambaalan.

Adoytiini Gexsit Namma Mafdagah Baxisak Fayyale Hangil Akkuk Geytimam Malaak Qaddoysem.

Mango Exxah Agaarad Mafdaga Itiyoppiya Adoytit Baaxooxak Xayyowte Makroh Qidaddoh Kee Tellemmot Axawah Tan Esseroora Faxxiima Raddi Acayuk Mango Agaarad Mafadagoogil Taturak Temeetem.

Ta Gexsitil Elle Caboh Qagunta Taama Buttah Qabbaaqi Caddo Gufteh Geytimtam.

Gersi Katuk 17baaxooxalluk Qimbisseh Tan Nammay Takko Qadaaga Saamih Agaarad Wagittaamal Taham Fan 11baaxooxa Gaba Kalak Raqteh Tan Lica Baaxooxalluk Abtah Tan Agaarad Xalule Xiplomaasih Gital Gexsitak Geytimam Ta Malaak Yescessem.

Itiyoppiya Ta Baad Caddoh Fanteenah Adoyta Takkem Qasriino Kee Maysaasale Tellemmo Siirat Xissuh Mango Saamitte Ginelem Tamixxigem.

Baaxo Baad Tellemmo Siiratal Madaqan Madqa Mafadagoogi Kee Madqa Tayyaaqo Gexsitil Isi Tuxxiq Dacrissuh Kaxxa Doori Digirtuh Saami Gineleem.

Tahat Ossotinah Itiyoppiyak Afa Tellemmoh Miurtittel Abbinowta Saamittel Isi Doori Digrak Afak Saanih Investimenti Hirigtuh Kaxxa Saami Ginelem Ta Malaak Yiysixxigem.

Adoytiinul Geytimtah Tan Tuxxiiqittet Elle Faxximtannal Yantifiqeenim Xiqqimtuh Baarle Bici Taamoomi Akkuk Sugteh Tanim Yescessem.

Ciggiilaak Ux Udduurih Addat Gaba Kak Kaloonuh Bacar Heele Taama Buttah Kobox Bici Yekkeh Yaniimik Kalah Raqteh Tan Lica Baaxooxallih Takkeh Tan Nammay Takkoh Agaaradittek Gaba Kalaanam Kee Doolat Faxxah Tan Margaqa Caagiida Yaceenim Leenah Hangi Kah Yacen Abinitte Kinnih Tanim Malaak Yiysixxigem