Baadak Nammay Heele Tamri Festivaalat Tengele Erga Awsi Rasuk Aysaqiita kee Afambo Daaqarat Gufne Aben.

Addis Ababa Qunxa-Garabluk 12/2019 (ENA)Baadak Nammay Heele Tamri Festivaalat Tengele Erga Awsi Rasuk Aysaqiita kee Afambo Daaqarat Gufne Abeenih Yaniinim Qaddoosem

 

Tamri Festivaalat Yengeleh Yan Qibini Edde Yan Rakaakayak Fayya Le Miraaciini Miraacisa Erga Aysaqiita Kee Afambo Daqaaral Akkuk Geytinta Tamri Buqreh Dadoos Kee Gadbo Xalootih Taamoomit Gufne Aben.

 

Rakaakayak Buqre Kee Gino Gaddih Daddoosih Biirok Ciggiila Saqal Gifta Haaruun Qali iyyeemih Tamri Festivaal Tamri Buqreh Daddoosul Kaxxa Uguugus Akkuk Geytimam Ascassuk Ayyunti Tamir Faxxiimah Yan Dariyyat Neh Xayyoosa Axcuk Tamir Tuxxiqitte Nagay Baritak Geytimaanam Qaddoose 

 

Tonnah Baadak Tamir Festival Nammay Haytoh Addah Qafár Rakaakayal Yakkem Assakat le Abto Kinnim Ascassuk Fooca
Fanah Qafar Rakaakayak Tamir Muritisso Baarisoonuh Diggaluk Taamitak Geytimaanan Qaddoose.

 

Rakaakayak Saq Kee Kullumti Gaddih Daddos Biiro Saqalah Yan Gifta Ibraahim Macammad Abeh Yan Yaabal Iyeemih Qafar leh Tan Gino Gaddat Elle Faxximita Gurral Antifiquk Sugeweenim Ascassuk Away Doolat Baxsa le Hangi Akah Acyuk Weeqayti Qaxal Kullumti Gaddal Qunxaaneyta Eglaalih Xisak Taamitak Geytimaanan Qaddosem.

 

 Kullumti Gaddih Caddol Xissimteh Tan Eglaalih Xiseenih Yanin Qunxanaeyti Abeh Yan Yaabal Doolat Keenih Teceeh tan Aydakaakan Kee Qokolut Cattiimak Ceelallo Takkem Xiqta Fidin Taamoomi Abak Geytimaanam kee Foocah Maqarroosak Gexaanamih Ikraaro Loonuh Yaniinim Kassiise 

 

Tonnah Tamir Buqreh Murtissoh Caddol Eglaalih Xissiimak Taamitak Geytimta Maritte Iyyeemih Tamir Muritisso Baarisoonuh Doolat Akah Teceh Tan Hangik Ugutak Eglaalih ken Xisak Faxxiima Qokol keenih Abak Qadaaga Siirat keenih Missoosak Tamir Buqre Qasriyyo Fanah Milaagak Geytimaanam Qaddoose.