Masri Ku-amolayyô Mabla 21heele Boolih Karmal Arac Sinni Gexsit Kinni - Lee kee Elmô Malaak 

Addis Ababa Qunxagarbluk 12/2019 (ENA) Masri Ku-amolayyô Mabla kee Leê Dagarraqih Mabla 21heele Boolih Karmal Inkinnah Arac Sinni Gexsit Kinnim Lee kee Elmô Malaak Yiysixxigem. 

 

Itiyoppiya Abbay Edde Anuk Leh Tan Ginô Gadda Daddoysaanam kee Ciggilta Horah Fayxi Kibaanamih Muddaqiinot Mabla Elle Faxximtannal Antifiqelem Malaak Kassiisem. 

 

Xayih Masri Lee Gadda kee Efeq Malaak Itiyoppiyah Xaylol Anqasak, Yeceh Yan Mabala Inkinnah Oggol Alle Waytam kee Masri Afrikah Baaxooxalluk Leh Tan Fantaaxawal Kataytah Tan Ku-amolayyo Mabla Qaduuk Tuybulleh Tanim Yescessem.

 

Masri Gersi Faacissoosa Baaxooxah Lee Gaddat Yantifiqeenim Dubuk Idni Tet Esserak Kinniimil Taaminem Idirraq Mablak Ractah Tan Gexso Kinnim Qaddoysem.

 

Ta Masri Gexso Nummak Xeeriih, Celamceelis Gexso Kinnim Yescessem.

 

Masri Uddur Elle Tatre Pooliisik Awquk Caagid Sittin Assakoxxa kee Kulli Marih Tuxxiq Dacrissa 21heele Boolih Karmah Mabla Kattattam Faxximtam Qaddoysem.

 

Masri Idaalitteeh, Uddur Elle Tatre Dagarraq Mabla Cabak Qusba Qokol Oggolt Faxximtam Uddur Taway Kinnih Tanim Ta Malaak Kassiisem.