Itiyoppiya Qadliinole Baddi Furdah Ikoytiinih Essero Muddaqiino kee Dariifah Amnih Rakiibo Kinni.

 

Addis Ababa Qunxagarbluk 10/2019 (ENA) Itiyoppiya Qadliinole Baddi Furdah Ikoytiinih Essero Muddaqiino kee Dariifah Amnih Diggoysiyya kee Qidaddô Fantaaxawih Rakiibo Kinnim Tutaaxago Qaddossem.

 

Baddi Furdah Ikoytiinu Luk Sugteh Tan Itiyoppiya, Farmoh Wayteh Tan Ginô Gadda Away Leh Tan Ummatta Manga kee Sissik Qidaddô Dadalih Caddol Muddaqiino Caagid Kinnim. 

 

Awayih Uddur Baddi Furdah Ikoytiinih Essero Itiyoppiyah Xayloh Essero Dubuk Hinnay Baad Caddoh Ayyuntih Baarle Qokol Geyak Geytimtam.

 

Addis Ababah Jaamiqatak Federaliizim kee Gevernansih Barseenaay, Kusaq Abe Tesfaye Jima (PhD) Itiyoppiyak Xaagi Raceenah Elle Qaddoysennal Qasa Badih Caagid Itiyoppiyah Tellemmo kee Culenti Raceenak Muxxi Muddaqiino Caagid Kinnim Qaddoysem. 

 

Addis Ababah Jaamiqatak Miraaciini Akkaxaamih Miracaay Kusaq Abe Gifta Selemon Teferra Itiyoppiyah Xayloh Baddi Furdah Ikoytiini Essero Cedoonuh, Aydaaduuy, Ganuuna kee Ji-opolotikah Caloota Kusaaqisaanam Faxximtam Kassiisem. 

 

Abbay kee Qasa Badih Istirateejik Foremih Kobxise Abbebe Gemechu (PhD) Itiyoppiyah Xayloh Baddi Ikoytiinih Essero Caagid Tuutaaxago Inki Fanteenal Gaaboowak Kusaq kee Pooliisil Mablooli Racisak Qaranguba kee Baad Caddoh Gudgudul Yaysabbeenim Faxximtam Yescessem.