Qafar Rakaakayak Samarâ Magaalal Nammay Haytoh Itiyoppiyak Baad CaddohTamri festivaal Gexisitak Geytima.

 

Addis Ababa Qunxa Garabaluk 10/2019(ENAQafar Rakaakayak Samarâ Magaalal Nammay Haytoh Itiyoppiyak Baad Caddoh Tamri festivaal Gexisitak Geytimam Qaddoosen.

 

Tama Gudgudul Qafár Rakaakayak Naharsi Saqal Cajji Awwal Qarbay Tenegele Qarab Imaaraatih Ambasadder Qabdallah Casan Al-shamsiy Khaliifa International Award Leena Kutbeh Abeenah Yan Dr qabdulwahab albukhari Federalak Buqre Malaaka Xeetah Yan Dr wunxale habtaamu Rakaakayal Kee federalak Fayya le Mirraacinuy Seeco Akah Aben Qibnittey Elle Geytimte.

 

Qafár Rakaakayal Naharsi Saqal Cajji Awwal Qarba Abeh Yan Yaabal Iyyeemih Qafar Rakaakayak Baadak Tamir Muritisso Fanteena Akah Yakkennah Taamitak Geytimaanam Qaddoose 

 

Rakaakayak naharsi saqal massakaxxale Cajji Awwal Qarba baada caddol qimboh addah tamiri fastival qafar baaxol gexisaanamih saami geyaanam diggale aydaadi ukummo kinnim Qaddoose.

 

Khaliifa International Award kutbe abenah yan Dr qabdulwahab albukhari ta fastival wagsiisaak abeh yan yaabal tamiri buqre Murtih Diggoosak Maaqiddi Kibaalissoy Qidaddoh taqabitte Yaynukuseenimih kaxxa tuxxiqlem Qaddoose.

 

Qafar Rakaakayak Buqre Kee Gino Gaddih Biiroh Saqal Injneer Yaasin Qusmaan Unkaq Muquk Temeetnih Farmo Tatrusal Isil Katuk Abeh Yan Yaabal Iyyeemih Qafar Rakaakayak Tamir Muritisso Baarisak Mexxat Yaysiisoonuh Taamitak Geytimaanam Qaddoose.

 

Itopiyal imaraat ambassador Qabdalla Casan itopiya kee imaarat fanat yan maddur qalli assakatleeh baxsaluk buqrelluddal takkeh tan qokolitte kee Sittalluk abitiyyi meqe gurral gexsitam Qaddoosen 

 

Federaalak buqre malaakih awlayti Dr wunxale habtaamu abe yaabak Imarat kee itooiyah fanat teknolojiiy investi mentiiy uqreey diplomasiiy maaqiddi caabiiy tellemmo ludditte kee murtisso abak raagitteh tabaatabsi meqennal Maqarroosak Geytimaanam Qaddoose.

 

Itiyoppiya Abak Geytimtah Tan Tamiri Murtissoh Taama Maaqiddi Caabi Isinnik Arcisaanam Kee Tonnah, Sarrimaane Leh Tan Qidaddo Isinnik Diggoysaanam Kinnih Tanimiiy Baxxaqisem.

 

Federaalak Buqrê malaakaay, Qafar Rakaakayih Doolat kee Khaliifa International Award Sittaluk cattiimak massoosseh tan tama festivaala qunxa garabluk 10-12/2019 fanah Samaral Gexsitelem Qaddoosen