Awash Weeqayti kataasah yan weeqi Qawwalaylah bohoy Raaqisoonuh Baad Bankik geytimeh yan 15 Bilyeenik Daga yakke maali qokolut Gabbi Rasul weeqi kalalih taamoomi Akkelem qaddowte.

 

Addis Ababa Qunxagarbluk 10/2019 (ENA) Awash Weeqayti kataasah yan weeqi Qawwalaylah bohoy Raaqisoonuh Baad Bankik geytimeh yan 15 Bilyeenik Daga yakke maali qokolut Gabbi Rasuk sidiica Daqar kee inki magaalah xiinisso tasgalle weeqi kalalih taamoomi Akkelem qaddowte. 

 

Lee kee Elmo malaakih gubat yan Awash Faacissoosah Xiinissoh kutbeh Buxa Baad Bankik geytimeh yan 15 Bilyeenik Daga yakke Maali qokolut gabbi Rasuk Qammi Baxi daqaaray,Carruki daqar kee Dule-llasah daqaaray tonnah Warar Magaalah xiinisso tasgalle Weeqi kalalih taamay 60 K.mitir takke elle Aboonu waan Dariifat Baad Bankik taama langih Saqal Gifta Shuraaba daani miraacisa erga kee Federaalay, Rakaakay kee Rasuy, Daqoorit Miraaciini kusaq kee ixxo gufne Aben.

 

 Awash Faacissoosah Xiinissoh kutbeh Buxa Saqal Gifta Adan Qabdu Malo Ta Cugayso Awash Weeqayti ta Dariifal kataasak Sugeh yan Weeqi Qawwalaylah Bohoy, Sarrimaane le gurral Raaqisak, Ayyunti Weewi Boho Sinnim Daddos taamoomi kah Abannah Naba Doori Allelem yescesse.

 

Ta Cugayso Rakaakayak Naharsi Saqal Massakaxxa le Cajji Awwal Qarba Abeh yan Diblomaasih Macalal geytimteh tan Gugayso kinnim diggoyseh yan Gifta Adan Qabdu Malo, ta cugayso weeqi kalalih taama dubuh hinnay weeqayti fan kak gaca daqoorit kee Awdoodi yasgoorowe Sidiica holhol Addat lem qaddoyse.

 

Gabbi Rasuk Naharsi Saqal Gifta Cusen Macammad taham Ta dariifah Ayyunti Der Udduurah luk suge Weeqi taqbih essero gacissu wayta Cugayso kinnih tanim kassiisak, ta Cugayso taama Qembissaay, Gabakalla haytam fan faxxiimah yan qokol kee Kattat Abeloonum diggoyse.

 

Tama Cugayso Taama qebiseek lakal inki Sanat kee Lica Alsih Addat gaba kalelem Qafarak Mangaafa Retteemah Oyti Yascassem.