LLRP Cugayso Ayyuntak Mano Yaysiisoonuh Abak Geytimam Taamoomi Diggoowak Gexelem

 

 

Addis Ababa ,Qunxa-Garabluk 09/2019 (ENA)Laqin Darifah Manoh Maysaasah Cugayso (LLRP-II) Ayyuntak Mano Yaysiisoonuh Abak Geytiman Taamoomi Diggoowak Gexelem Gifta Macammad Casan Qaddoosen 

 

Rakaakayak Laqin Darifah Manoh Maysasa Cugayso (LLRP) Maglablela Luk Dacarsittoh Xiinak Qawwalayla Bohoy Wagittamal Aydakaaakan Gudgud Samara Magaalal Gexsen. 

 

Gudgudul Geytimaak Yab Abeh Yan Cugaysok Naharsi Saqalah Yan Gifta Macammad Casan Iyeemih Ayyuntak Mano Milaaganamal Akkuk Geytimta Taamoomi Diggowak Gexele. 

 

Qagitak Gifta Macammad Casan Iyeemih Dacarsittoh Xiinak Qawwalyla Bohoy Maca Ceelah Iyyanamal Yekkeh Yan Walal Gudgud Kinnih Tanim Kassiisak Taafeh Tan Qawwalyalak Isinni Elle Raaqisan Inna Wagsisak Tuced Keenik Dadlisak Baxaabaxsale Taaamoomi Akkeleh Tanim Qaddoyse

 

Rakaakayak Qawwalaylah Osodo Makkabiyyo Komishiin Luk Cattimak Dacarsittoh Xiinal Baxaabaxsale Uddur Taafeh Tan Qawwalyalak Sabhalala Geytuh Teknologyit Antafaqamuk Baxsale Taama Akkeleh Tanim Yescesse

 

Qawwalayla Osodo Makkabiyyo Komishiinik Naharsi Takkawisso Kee Sissik Raddi Xayyos Xayrokter Gifta Maace Qali Rakaakayak Caddol Naharsi Takkawissoh Akkuk Geytimta Taama Maca Celtam Wagittaamal Gabbaqu Xayyoyse

 

Ellacabol Maglablela Inteemih Baxaabaxsale Uddur Taafeh Tan Qawwalaylah Tuced Yaleenim Kee Faxximah Yan Raddi Elle Yaceenimil Addah oobak Baxsale Taama Elle Abelonuh Yaninim Qaddoysen. Qafarak Mangaafa Retteemah Oytal Yescessen