Itiyoppiyak Algin Merraytih Xalule Pooliisi Maaqatta Ceelallo Takkem Kinni - Ta Exxah Mihratleela kee Xiplomaatwa

Addis Ababa Qunxagarbluk 09/2018 (ENA) Itiyoppiyak Algin Merraytih Xalule Pooliisi Maaqatta Ceelallo Takkem Kinnim Ta Exxah Mihratleela kee Xiplomaatwa Qaddossem. 

 

Afrikak Koraan Makaayinih Tabaatabsi Nordik Baaxooxak Teknolooji kee Elmô Daddoosih Abak Raagalluk Yasgooroweeh Yan Nordik - Afrika Koraan Makaayinih Koboxul Addis Ababal Gexsitek Tamixxigem.

 

Ta Koboxul Geytimteh Ta Mihratleela kee Xiplomaatwaay, Baad Caddoh Fantenaanih Awlaytit Itiyoppiya Algin Merraytu Baarissuh Beyteh Tan Poolisi Maysaasa kee Abak Geytimta Angagoyyitte Afrika kee Raaqe Baadab Ceelallo Takkem Kinnim Yescessen. 

 

Galli Maroh Eglak Afrikak Qidaddô Komishinik Teknoloojiiy, Innoveshiniiy, Angaaraw kee Rakiibo Daddoosih Exxah Xayrekter Roberta Tama Lising Itiyoppiyak Xaagi Raceenah Elle Qaddoysennal Qarangubal Koraan Makaayinih Exxal Xalu Baahak Geytimta Baaxooxa Itiyoppiyah Innah Qadoh Mablaay, Makcaggur kee Abnissoh Ikraaro Leh Tanim Yescessem.

 

Itiyoppiyal Tan Finlanxih Impaasik Tellemmo kee Daddos Saqal Tomi Sarke Itiyoppiya Koraan Makaayinih Teknoloojih Tabaatabsa Baarisanamal Xalule Taama Abak Geytimtam Qaddoysem. 

 

Koraan Makaayin Itiyoppiya Fan Baarluk Culak Geytimtam Nordik - Afrikak Koraan Makaayinih Konoxuk Mablâ Mirac Mikel Beker Akrevik Qaddoysem