Baad Caddoh Rosqa Milaagih Caddol Yaafem Xiqah Yan Taqabih Raddih Faxxiima Bici Yekkeh Geytima.

 

Addis Ababa Qunxagarabluk 09/2019 (ENA) Baad Caddoh Rosqa Milaagih Caddol Yaafem Xiqah Yan Taqabih Raddih Faxxiima Bici Yekkeh Geytimam Qawwalayla Kalalih Taamah Komishin Yiysixxigem.

Baad Caddoh Rosqa Milaagih Cugayso Elninoh Tekko Baad Caddol Fayyale Caddoh Liqan Ossiimiyya Kee Rosqa Milaagih Taqabi Katassu Waytam Yiysixxigen.

Ta Tekko Ayro Mawqah Afrika Kee Itiyoppiyal Inki Inki Dariifal Fayyale Caddoh Liqnaay, Gersi Dariifal Weeqa Kataassam Xiqqiimelem Oytitte Tascassem.

Itiyoppiyak Qawwalayla Kalalih Taamah Komishinik Ciggiila Komishiner Gifta Qaydarus Casan Itiyoppiyak Xaagi Raceenah Elle Qaddoysennal Elnino Ahak Afal Tabnah, Koona Sanatih Addat Qagaaqagitak Aafuk Temeetem Yescessem.

Ahak Afal Ayro Mawqah Afrikal Yoofeh Ya Elninoh Qawwalaylat Mango Baritto Buxaaxi Finiqittem Qaddoysem.

Baad Caddo Kee Itiyoppiyak Metroloojih Inistitiyutih Oyti Elle Yascassennal Qusba Elninoh Taqabi Aafeleemih Bohoy Yanim Tascassem.

Tohih Taagah Komishin Ta Taqabi Daggossam Xiqsissa Amolladi Bici Taamoomi Baarluk Abak Geytimam Yescessem.

Itiyoppiya Qawwalaylooli Isi Duddal Xiqtuh Maqarle Dudda Xisak Geytimtam Qaddoysem.

Binaadamiino Qokol Isi Duddal Abtaamak Taturak Gersi Baaxooxah Cato Abtuh Itiyoppiyan Ex Deqsitta Fanteena Xissuh Bica Abak Geytimtam Baxxaqsem.

Yaakume Bicih Siirat Maqarroowu Kee Qasriino Yaalluh Gersi Baaxooxallih Gacak Agatak Sissik Udduurih Konaahissoh Fanteena Xissimteh Tanim Qaddoysem.

Ta Fantenaani Bica Kee Qusba Siiratitte Baaxo Qawwalaylah Abtah Tan Raddi Sarriinole Gital Maqarroyselem Baxxaqsem.