Profeseer Qabdulwahhaab Al-Bukhaari Zaayid Miraacisa Erga Samara Culen.

Addis Ababa Qunxagarabluk 09/2019 (ENA) Khaliifa International Award For Palm Date and Agricultural Inovationik Naharsi Kutbe abeynah yan Profeseer Qabdulwahhaab Al-Bukhaari Zaayid kee kay erga Samara culen.

Erga Samarak Sultaan Qali Mirac Canfaxe Tayyarâ booxa gufte wak Qafar Rakaakayak Ciggiila Naharsi Saqal Gifta Qumar Nuur Qarba edde anuk Rakaakayak Fayyale miraaciini garayyu kaah aben.

Tama erga Qafar rakaakay fanah kah haysittem Samarâ magaalal gexsittuwaytah tan 2heele Itiyoppiyak Baad Caddoh Tamri festivaalat yangaluh kinni.

Aydaadule Qafar qagitak arcibissah tan ta baad caddoh fesitvaala qunxa garabluk 10-12/2019 fanah Samarak Qasab Huteelil gexsitele.

Festivaalala Federaalak Buqrê malaakaay, Qafar Rakaakayih Doolat kee Khaliifa International Award ittalluk cattiimak massoosseh tan festivaal kinni.