Itiyoppiya Baad Qadaagah Fantaaxaw Elle Diggossa Tamri Murtissoy Qafar Rakaakayal Akkuk Geytimta. - ENA Qafar Afa
Itiyoppiya Baad Qadaagah Fantaaxaw Elle Diggossa Tamri Murtissoy Qafar Rakaakayal Akkuk Geytimta.
Addis Ababa Qunxa Garabaluk 8/2019(ENA)Itiyoppiya Baad Qadaagah Fantaaxaw Elle Diggossa Tamri Murtissoy Qafar Rakaakayal Akkuk Geytimtam Qaddoosen.
2Haytoh Baadak Tamiri Festivaal Qunxa Garabluk 10 Ilaa 12 Fanah Qafar Rakaakayih Ianyta Samara Magaalal Gexsitu Waah Yanimiiy Qaddoysen.
Baada Caddol Tamir Muritisso Fayyah Leh Tan Qidaddoh Anagaggoyitte Elle Tumbulluyeh Ludda Kinnuuk Tamir Muritissol Baada Caddoh Qadaagal Tamixxigeh Tan Baaxooxa Taniihi Masriiy, Saqud Qarabiya,Iranay Qiraqhay Xayyoosak Geytiman Takkay Immay Away Baada Caddol Baarimak Geytimta.
Itiyoppiya Tamirah Ayyaaquk Sugteh Tan Awqenta Tuynukuseh Tanim Kee Tamiri Murtik Murtisso Mexxat Aysiisuk Geytimtah Tanimiiy Qaddoysen.
Ityoppiyak Baaxoh Caddol Tamir Muritisso Baarisoonuh Baxsa le Hangi Akah Acyuk Taamitak Assakat leh Tan Xalitte Amballayuk Geytimta
Itiyoppiya Kulli Sanatal 500 Alfih Hektaaraak, 700 Alfih Hektaar Takke Baaxol Tamiri Murti Abquruk Geytimtah Tanimiiy Kassiisem.
Tamiri Murtim Mangom Qafar Rakaakayal Yanim Takkay Immay, Soomaalih Rakaakay Kee Oromiyah Rakaakayaayayittel Amrutuk Geytiman.
Itiyoppiya Abak Geytimtah Tan Tamiri Murtissoh Taama Maaqiddi Caabi Isinnik Arcisaanam Kee Tonnah, Sarrimaane Leh Tan Qidaddo Isinnik Diggoysaanam Kinnih Tanimiiy Baxxaqisem.
