Itiyoppiyak Qawwlayla Kalalih Xiinissoh Siirat Centebbaaruk Tan Qawwlaylah Isi Duddal Raddi Yacem Xiqa Dudda Xisak Geytimta.

 

Addis Ababa Qunxagarbluk 07/2018 (ENA) Itiyoppiyak Qawwlayla Kalalih Xiinissoh Siirat Centebbaaruk Tan Qawwlaylah Isi Duddal Raddi Yacem Xiqa Dudda Xisak Geytimtam Qawwlayla Kalalih Taamah Komishin Qaddoysem.

Ayrô Mawqah Afrikak Doolatitte Daddoosih Fantaaxaw (IGAD) Afrikah Gaysak Ilninoh Bical Hangi Haah Yan Walal Gudgud Addis Ababal Gexisak Geytimam.

Komishinik Ciggiila Komishiner Gifta Qaydarus Casan Ta Aracal Elle Qaddoysennal Qawwlayla Toofek Lakal Yakkeh Yan Macalak Qawwlayla Kalalul Takke Kaxxaam Faxximtam Qaddoysem.

Itiyoppiya Qawwlayla Kalaluuy, Toofeek Lakih Raddil Xalule Bica Abaanamal Maqarle Dudda Isik Xisak Geytimtam Yescessem.

Baxsaluk Qawwlayla Kalalih Xiinissoh Siiratih Hangisso Dadlisaanamal Baxaabaxsale Exxaaxi kee Maglableelalluk Gexsit Siirat Missoysak Geytimaanam Kassiisem.

Itiyoppiyak Qawwlayla Fanxih Bica kee Kusaaqah Yakkeh Yan Dudda Ginak Maaliyyah Mafdaga Xisak Geytimaanam Qaddoysem.