Baraclek Tayyaara Booxa Naharsi Caddoh Barittoh Buxak 75 Takke Barteenitih Baritto Mansoofah Qokol Aben. - ENA Qafar Afa
Baraclek Tayyaara Booxa Naharsi Caddoh Barittoh Buxak 75 Takke Barteenitih Baritto Mansoofah Qokol Aben.
Addis Ababa Qunxagarbluk 06/2018 (ENA) Baracle Daqaarak Barittoh Kutbeh Buxah Tayyaara Booxak Naharsi Caddoh Barittoh Buxa Gab Dagoytit Xaylo kee Qayxiixah Tan Barteenitih Baritto Mansoofa Qokol Aben.
Ta Qokolih Aracal Baracle Daqaarak Baritto Kutbeh Buxah Saqal Gifta Nuur Macammad Yacya Daqaarak Baritto Kutbeh Buxa Tan Yan Qokol Baxaabaxsale Awdoodih Caddol Abak Geytimanam Qaddoyse.
Daqaar Caddol Baritto Akah Qimbisan Innah Yaakume Bicih Taamoomi Akkuk Geytimam Yescesseh Gifta Nuur Macammad Gaba Dagoytit Xaylo kee Qayxiixay 500 Barittoh Elle Bartaanah Yan Bukaati Kee Kalooma Qokol Baxaabaxsale Cugaysoosa Lih Cattiimak Barteenitih Abeenih Geytimam Yiysixxige.
Baraclek Tayyaara Booxak Naharsi Caddoh Barittoh Buxak 75 Takke Barteenit Ta Qokol Tabsen.
Daqar Caddol 12 Hayto Footima Aqayyaarel Taturte Sanat Aqayyaare Daqar Fanteenal Akah Takke Inna Faxximta Tan Uwwaytitte Kah Kibak Aqayyaare Beyteh Tan Barteenit Mango Gaba Meqe Ximo Bahaak Taturte Duddeh Tanim Qaddoyse.
Ta Qokol Akah Abeenih Yanin Barteenit Qokol Keenih Abteh Tan Daqaarak Barittoh Kutbeh Buxah Gadda Gacseenih Yaniinim Qafarak Mangaafa Retteema Qaddossem.
