Qikkibow Doolatih Mablal Itiyoppiya BRICSih Koboxul Xalule Xiplomaasi Geysisse.

 

Itiyoppiya Xer Udduurih Xiplomaasih Aydaadu Xisseeh, Abak Raagal Baad Caddoh Milaagitte Qeedaalisak, Agat Tuxxiq Dacrisaanam kee Yaysukumeenimil Baxabaaxsale Baad Caylittelluk Qokol Baaarisak Maqarle Afâ Baxooxah Fantaaxaw Katayak Geytimta.

‎Naharsi Malaak Abiyyi Acmad Miraacisah Yan Itiyoppiyah Erga Qunxa Qunxa-Garabluk 2 Sanat 2019 Gexsitte 18heele BRICS Baaxooxah Koboxut Yengeleenim Tamixxige.

‎

‎Ta Kobox ‘‘Diggaay, Hadlisso Kee Sarriinole Sittin Qokol Hadlaanam’’ Inta Itrol BRICS Adoytiitih Tan Baaxooxah Miraaciinuy, Tonnah Baadak Baxaabaxsale Baaxooxah Mirocti Edde Tengeleh Tan Daffeyna Gexsitteh Tanim Kee Tama Koboxuk Gamadal,140 Takke Sitta Elle Geen Newdelhih Maybalaalaqa Ayyaaquk Tumurruqem.

‎

Newdelhik Sitta Elle Geen Maybalaalaqal Baad Edde Xiinah Yan Xiinissoh Maysaasay, Baad Kee Dariifâ Caagidah Amniiy, Saay Kee Salaam Kee Tonnah, Madfur Dadal Kee Tonnah Ayyunuta Kee Ayyunuti Fantaaxaw Wagittaamal Adoytit Baaxooxa Inki Ceelo Kee Xongolo Goysoobbeh, Tonnnah, Itiyoppiya Baadak Kabxah Egalat Akah Culta Innih Bica Qaduuk Aydukumusaanam Tamakkel Baxxaqqa Luk Elle Qokolen. Gallik Siivil Aviyooshinih Missoynah Malah Buxal Itiyoppiya Afrikah Caddol Dubuk Tan Liisole Takkuh Abtab Tan Macal Qaduuk Aydukumusaanam Elle Yuybulleenih Sugen.

‎ Tahat Ossotinah Itiyoppiya Galli Caddok Rosqâ Milaagih Daffeyna Koop32 Missossuh, Qimbisseh Tan Angagoyyitte Kee Abak Geytimtah Tan Macalitteh Digga Luk Qokolaanah Yaniinim Tama Maybalaalaqal Qaduuk Iffooseneih Yanin. Tama Kobox 19toh BRICS Daffeyna Chanah Koobaahissol Akah Takke Innah Sittin Gey Gufeenim Tamakkel Baxxaqisen.

‎

‎Tama Miraaciinih Koboxuk Xaqut Naharsi Malaak Abiyyi Acmad (PhD) Adoytit Baaxooxah Miraaciinu Kee Tonnah Waklentit Baaxooxah Miraaciinu Lih Xaloot Leh Yan Wan Walal Nammay Takke Kee Baadaay, Tonnah Qaran Gubah Caagiidalangom Abak Sugem Tamixxige. Tama Walal Kaadul Investment Kee Tallemmooy, Kalali Qandey, Xijitaalayzeeshin Luddittel Kaxxam Kulsuk Sugem Yescessen.

‎

Daffeynak Gamadal Tama Miraaciinuh missoyseenih Yanin Dirar Taddeeral Naharsi Malaak Abiyyi Acmad (PhD) Mangoh Tan Baaxooxah Miraaciinu Lih Walaleh Yanim Kee Baxaabaxsale Tan BRICS Adoytiitih Tan Baaxooxah Miraaciinu Kee Waklentit Baaxooxah Miraaciinu Lih Meqe Walal Abeek Lakal Isi Baaxo Fanah Yuduurem Kassitna.