Safari Koom Qafar Rakaakayak Baritto Biiroh Barittô Mansoofah Qokol Abte

 

Addis Ababa,Qunxa Garabluk 4,2019 (ENA) Safari Komuk gabbi maaca kee gabni carrih iroh angaarawih saqalah yan telahun birhaanu tama qokol Rakaakayak baritto biirok ciggiila saqalah yan gifta Golbe sillel elle tabisekkel abe yaabal

Qafar rakaakayih caddol aban qokoluk ah qimbooy elle cabo akke waytam kassisse.

Ahak afal mango barittoh buxaaxih Baxaabaxsale komoputeriiy reference kitoobaay dafaatir kee kalooma qokol abak yemeeteenimin Yescesse.

 

Asaaku abaanah yanin qokoluuy dafaatirik 600ih Darzan kee 1000 kalam kinnih tanim qaddosa Fooca Fanah faxximma intaamal qokol bisoh heeloonum Yiysixxige.

Tahallih kaaduuy safari com networki qafar baaxol fakeenimih inkih maadise weenim takkay immay inkih akah maadisan innah raqte dariifak axcih kiblat fan beyoonuh erebti daqaarih miraaciinulih aakume bicak gaba kalak xayi udduurut taama qimbise loonum Yescesse.

Rakaakayak Baritto Biirok ciggiila saqal Gifta Golbe sille safari Kom abteh tan qokoluh gadda keenih gaciseek gamadal safaricom ahak duma

 

Qafar Baaaxol Yekkeh suge baaxoh angoyyaay baxaabaxsale qawwalaylaalil qokol abak yemteeniih, away kaadu cooci anket yan axcuk baritto luddal aban qokol qunxa intik yableenim akke waytam yubluuse.

Away safari com abteh tan qokoluk geytime dafaatir kee kaloomah taalenti akaaxaamih barteenit edde anuk daqooritil dafaatir xaltani akak xaamtam xiqe wayta barteenitih akah yakkennah abeloonuM Yescessen