Samarâ Logyi Magaalah Xiinissok Culenti Kutbeh Buxa Qisô Mekla Xijitaalal Gurral Abbinowtu Waytam Qaddossem. - ENA Qafar Afa
Samarâ Logyi Magaalah Xiinissok Culenti Kutbeh Buxa Qisô Mekla Xijitaalal Gurral Abbinowtu Waytam Qaddossem.
Addis Ababa Qunxagarbluk 02/2018 (ENA) Samarâ logyi magaalah xiinissok Culenti kutbeh buxa Itiyoppiyak Kabxâ Banki kee Teelé luk cattiimak xijitaalak yanih yan qisô mekla abbinowtuh Sittingey Abeenim Qaddoysen.
Samara Logyi Magaalah Xiinissok Naharsi Saqal Enjiner Acmad Nursalim Abeh Yan Yaabal Magaalâ xiinisso xijitaal qisõ meklah siirat kah abbinoowu duudem magaalâ xiinissoh ayyuntih qagaaqagitak abak sugen essero ugtuma abak kinnih tanim Qaddoyse.
Tonnah kaadu magaalah ayyunti qisô meklah udduur abak sugen taqabi kee macalak ayfaafay yakke qisô meklah siirat kinnih tanim qaddosse.
Qiso mekelta dagorti abak sugen macalak affaaf geelonum kinnuk ta siirat qiso Itiyoppiyak Kabxá banki kee Teelé luk cattiimak telebirrit akkelem yiysixxigen.
Ta taddiira qembisissem Qafár rakaakayak ciggiila Prezxantih yan Massakaxxale Qumar Nuur Qarba kinnuk Fayu abeynitiy, Itiyoppiyak Kabxâ bankik Samarâ Xistrikti kee Teeléh acwa tontocowwem Qafarak Mangaafa Retteemah Oyti Yascassem.
