Naharsi Malaak Abiyyi Acmad (PhD) BRICSih Koboxuk Gambit Maliziyak Naharsi Malaak Anwar Ibraahimluk Walale.

 

Addis Ababa Qunxagarbluk 02/2018 (ENA) Naharsi Malaak Abiyyi Acmad (PhD) 18heele BRICSih Koboxuk Gambit Maliziyak Naharsi Malaak Anwar Ibraahimluk Walalem Qaddoysem.

 

‎Naharsi Malaak Ayyuntiinô Retteemal BRICSih Koboxuk Gambit Maliziyak Naharsi Malaak Malaakallih Walaleh Yanim Qaddoysem.

 

Maliziyak Naharsi Malaak 2018 Naharsi Kudoh Alsal Addis Ababat Abeh Yan Aydaadi Gufnel Geytimeh Yan Meqe Saami Maqarroowak Elle Duuda Gurral Walal Gexseenim Yescessem.

 

‎Ta Walalal Investimentiiy, Turiizimiiy, Asqassaabe Caylih Qokol Baarisaanam kee COP 32 Yakkeh Yan Macalal Qokol Maqarroysaanam Elle Xiqqimta Caagiidal Walaleenih Yaniinim Qaddoysem.

 

Tahak Kalah Maliziya Inxastirih Parkitteh Daddoosuuy, Murti kee Murtissoh Exxal Abak Raagitte Ele Tabsanam xiqan Gurral Walalenim Yescessem.

 

‎Itiyoppiya kee Maliziya Maqarle Qidaddoh Qokol Xisaanam Xiqsiisa Duddalem Qaddoysaak, Tah Investimentiiy, Teknoloojiiy, Cerfataay, Sarriinole Daddos Mafdagoogil Qusba Saamitte Ginelem Yescessem.