18heele BRICSik Mirocti Kobox Asaaku Qimbisen

Addis Ababa Qunxagarablu 02/2019 (ENA) 18heele BRICSik Mirocti Kobox Asaaku Hindik New Delhi Magaalal Qimbisen.

 

Tama Kobox Namma Ayro Fanah Gexsitak Sugelem Kinnuuk Diggaay, Hadlissooy Qokol kee Sarriimaane Xisaanama Inta Itrol Gexsitu Waah Yanim Qaddoosen

 

Tama Koboxut BIRCIs Adoytit Baaxooxah Miroctiy Qaranguba Kee Baaxooxa Miroctiy Baada Xisoosak Seeco Akah Aben Fayya Le Mirraacinih Edde Angalalem Qaddoose.

 

Naharsi Malaak Abiyyi Acmad (PhD) 18heele BRICSih Koboxut Yangaluh Hindi Culeh Yanim Naharsi Malaakih Kutbeh Buxah Oytal Yescessen

 

Tama Koboxul Miroctiy Baada Caddol Dadalak Geytimta Xiplomaasih Kee Qidaddoh Fantaaxaw Nagay Elle Maqarroosan Gurral Walale Loonu Axcuk Qambaalan.

 

Asanati Koboxul Baadak Xinissoh Siirat Diggoosak Dadalata Geytimta Baaxooxah Baadak Siyaasah Caddol Lon Oggolitte Dadalisoonuy Tellemmo Kee Investmentil Baxsa Le Hangi Akah Aceeloonum Qaddoosen.

 

Saay Kee Elmo Caagida Wagittaamal Walalak Baarimak Geytimta Geopolitic Taqabittey Elmo Caabiy Maaqiddi Caabi Ta Bisle Taqabitteh Fidga Takkem Dudda Mablooli Ellw Xayyoose Loonum Qaddoosen.