Naharsi Malaak Abiyyi Acmad Mojoh Qusba Qasri Loojsitiik Fanteenah Baarissoh Qusba Mafdaga Dooqaysem.

 

Addis Ababa Paagume 5/2018 (ENA) Naharsi Malaak Abiyyi Acmad Mojoh Qusba Qasri Loojsitiik Fanteenah Baarissoh Qusba Mafdaga Dooqaysak Taama Qimbisiisem.

Naharsi Malaak Ayuuntiino Retteemah Guubul Tatruseh Yan Farmol Asaaku Mojol Geytimak 60 Hektar Baaxol Xissimte Qasri Lojistik Fanteenah Baarisiyyih Qimboh Exxah Dooqayso Kinnim Kee Tamah Ityoppiya Kee Afrikah Qaran Gubaak Currik Tan Tellemmoh Aracih Maysot Kaxxa Doori Digirelem Yescessem.

Tama Kaxxa Cugayso Sanatal 1 Milyoon Takke 20 Footimah Konteynerwah Addat Geytimta Terminal Kee Qasri Magaalal Geytimta. Kafin Mango Arka Baaxoh Addal, Iro Baaxoh Milaagu Daagisanam Kee Ni Baaxo Xayloh Baarle Taama Saamitte Ginelem Qaddoysem

Fanteenak Taama Sissikaane Osisoonuh Baabur Cadiid Kireen, Ni Baaxoh Addal Qimboh Addah, Kontener Tabaatabsa Baabur Gita Fayale Caddol Aysissikelem Yescessem.

Inkih Yan Siirat Qasriino Le Dijital Daddos Luk Axawah Yaniih, Sissik Kee Nummale Ayfaf Xoqoysima Xayyoosak Geytimtam Qaddoysem.

Tama Fanteena Itiyoppiyaay, Gabbi Qaxih Sudaan Kee Uganxah Itiyoppiya Kee Jabuuti Gitaak Iroh Tasgoorowe ‘Desu’ Gitih Addat Geytimtah Kaxxa Maysoy Ni Baaxoh Caddo Baad Caddol Lowsis Arac Yaysiiseenim Kee Ni Rakaakayak Qidaddoh Angaaraw Qusba Caddo Fan Beyaanam Kinnim Baxxaqsem.