Itiyoppiya Qasa Bad Fan Tandabbem Baad Caddoh Baddi Tellemmoh Gitih Amnih Faxximta - Itiyoppiyal Yan Israyil Ambaasadder Abraham Nuguse (PhD) - ENA Qafar Afa
Itiyoppiya Qasa Bad Fan Tandabbem Baad Caddoh Baddi Tellemmoh Gitih Amnih Faxximta - Itiyoppiyal Yan Israyil Ambaasadder Abraham Nuguse (PhD)
Addis Ababa Paagume 5/2018 (ENA) Itiyoppiya Qasa Bad Fan Tandabbem Baad Caddoh Baddi Tellemmoh Gitih Amni Kee Dariifah Qidaddoh Dadalah Faxximtah Tanim Itiyoppiyal Yan Israyil Ambaasadder Abraham Nuguse (PhD) Qaddoysem.
Israyil, Itiyoppiyah Baddi Afah Ikoytiinih Essero Salaam Kee Xiplomaish Gital Qokoltah Tanim Yiysixxigem.
Ambaasadder Abraham Nuguse Itiyoppiyak Xaagi Raceenah Elle Qaddoysennal Itiyoppiya Kee Israyil Aydaadule Xiplomaasih Fantaaxaw Fayyale Caddo Fan Fayy Haak Geytimtam Qaddoysem.
Tahal Doolat Kee Doolatay, Doolat Akke Sinni Qokol Cugaysoosaay, Tonnah Kaadu Tellemmo Kee Investimenti Exxal Fayyale Dadal Lowsiisak Geytimtam Yescessem.
Itiyoppiya Dadal Geytimta Baaxo Iyyeh Yan Mbaasadder Tahah Itiyoppiyak Awqenta Kee Culenti Sahhiloowuh Baddi Furda Ane Waytek Dadal Sissikaane Taqabi Leh Tanim Yescessem.
Tahah Itiyoppiya Baddi Furdah Ikoytiinu Diggossuh Xayyosseh Tan Salaam Kee Xiplomaasih Essero Israyil Qokoltah Tanim Diggoysem.
Itiyoppiya Qasa Bad Fanah Tandabbem Baddi Qarakakisiinu Kalalaanamal Baad Salaam Kee Qidaddo Dadalah Fayayle Xalu Geysiiselem Qaddoysem.
Itiyoppiya Baddi Furdah Ikoytiini Namm Baaxooxah Makcaggur Antifiqimiyya Maqarroysak, Dariifa Qarkakaisiinih Bohoy Aamantile Gurral Kalaloonuh Kaxxa Doori Allelem Baxxaqsem.
