Agatak Fayda mamaxxaga Baaxoh Caddok Taturak Zambiyaay,Moozambiik kee Burunxil Gibbati Taama Qimbisak Geytimta

 

Addis Ababa Paagume 5/2018 (ENA):Agatak Fayda mamaxxaga Baaxoh Caddok Taturak Zambiyaay,Moozambiik kee Burunxil Abak Raaga Beyak Gibbati Taama Qimbiseenih Geytimaanan Agatak Fayda Mamaxxagak Taddeerak Leena Taama Gexseenah Yan Yoxahe Arayasillase Qaddoose.

Ityoppiyah Fayda Xijital Mammaxaga Maysarraqa Abe Marih 50 Miliyeen Gufeh Geytimaanam Qaddoose.

Agatak Fayda mamaxxaga Leena Taama Gexseenah Yan Yoxahe Arayasillase Beerih Ayro Wagsiisak ENA Luk Abe Mabla Garayal Inki Num Inki Num Inta Radmol Qimbisak Xijital Maysarraqa Abak Diggoosak Geytimaanam Qaddoose

Agatak Fayda Mamaxxaga Ayfaafial Baatil Kalaloonuy Ayfaafih Matacayyow Xijitaal Fanah Milaagak Canka Kee Fanteenaani Caddol Aamtinaane le Ayfaafay Yacoonuh Taamitak Geyt

Faydah Ayfaafal Baxaabaxasale Leh Tan Fantenaani Taceh Tan Maritte Lih Taamitak Geytimtam Kee Taham Fanah 150 Takke Doolat Kee Canka, Startup Kee Kalah Tan Fantenaani Luk Fantaxaw Maqarroosak Taamitak Geytimaanan Qaddossem

Fayda Mamaxxagah Ayfaafal 200 milyoonuuk daga takkeh Tan Marittek Kinnaanel Diggoosaanmih Taama Tekkeh Tanim Qaddoose

Agat Caddol Fayda Mamaxxaga elle Aban Arooca Baarisak 12Alfik Amo Takkeh Tan Aroocal Abak Geytimaanam Ascassuk Baaxoh Caddol 50 Miliyeenik Dag Takkeh Tan Maritte Maysarraqa Abeenih Yaniinin Qaddoosen

Itiyoppiyak Agatak Xijital Taddeera Dadalak Xijitan Daddos Fanteena akkuk Itiyoppiyak Investmentih Holdingih Gubat Daddos Egla Akkuk Xiseenim Kassiise.

Agatak Fayda Ayfaf Xijital Teknoloojih Addat Baaheh Yan Meqe Milaagu Kee Makroh Qidaddoh Luddal Gersi Afrikah Baaxooxal Kaxxa Hangi Akah Yeceen Innah Abeh Yanim Qaddoose.

Tahak Ugtak Mangoh Tan Afrikah Baxooxa Itiyoppiya Abak raagak Beyak Xijital Teknoloojih Diggoosak Geytiman.

Mango Baaxooxa Baxsaluk Xijitan Luddal Duddi Gablusiyya Xijitan Siirat Daddos Diggoosnuh Itiyoppiyah Faxxiima Qokol Abak Geytimatam

Kassiise.

Ta Abnissol Afrikah Xaylo Isinni Dudda Kee Sittin Qokolol Xijital Tabaatabasih Arac Akah Xagannah Qokol Taamoomi Maqarroosak Geytiman.

Itiyoppiya Qarangubal Caddol Xijital Teknoloojih Tabaatabasih Uguugusul Abbinoosak Geytimaanam Ceelalloh Takkem Duddah Abto Kinnim Qaddoose