Paagumek 5 Heele Ayro Baxaabxsa Le Weeloolal Samara Magaalal Assakaxxuk Maacisen.

 

Addis Ababa Paagume 5/2018 (ENA) Paagumek 5 Heele Ayro "Beerih Ayro" inta Maxcol Samara Magaalal Baxaabxsa Le Weeloolal Assakaxxuk Maacisen .

Tama Gudgudul Rakakaayak Ciggiila Prezixentiiy Ardi Biiroh Saqal Gifta Qumar Nuur Qarba Edde Anuk Rakaakayak Fayyale Miraaciinuuy Doolat Taama-abeenit kee Ayyunti Exxaaxi Edde Tengele .

 

Gudgudul Geytimaak Yab Abeh Yan Rakakaayak Ciggiila Prezixentiiy Ardi Biiroh Saqal Gifta Qumar Nuur Qarba Qafar Ummatta Dudda Le Ayyuntay Isiim Caglite Yakkuh Asaaku Nagay Taamitaanam Faxxintam Ascassuuk Beerih Ayro Inta Maxco Muggaaqisiyya Dibuh Hinnay Ciggilta Horal Tabsan Qaago Kinnih Tanim Yescesse .

Gifta Macammad Acmad Rakakaayak Sadar Ayfaf Kee Sehdayti Gaddih Daddoosih Biirok Naharsi Saqal Kinnuuk Iyyeemih Wakti Sidooc Yakkem Kinnuuk Tatre Wargi Baritto Kak Beyan Warguuy, Edde Nan Wargi Taamah Udduuruy Abina Faxaah, Yamaate Wargi Kaaduk Takku Waytaamih Ikraaro Kinnuuk Beerih Ayro Kah Iyyeenim Beera Takku Wayta Taamoomih Bicsitiyyih Gulgulusso Kinnih Tanim Qaddoose .

 

Tama Caflatal Asaaki Gudgud Missosseh Tan Baxaabxsa Le Maktabwa Abak Geytintah tan Taamoomi Maca Celtam Wagittaamal Rakaakayak Qawwalaylah Ossoodih Makkaabiyyoh Komishiinik Naharsi Komishineer Gifta Macammad Cuseen Baar Le Kutbeyta Xayyoose.

 

Illacabol 2018 Liggidah Assakat le Taamoomi Abbinosseh tan Maktabwah Acwa Kee Mamaxxaga Yaceenimih Taddeera Gexseenim Qafarak Mangaafa Retteemah Oyti Yascassem