Itiyoppiya Aqayyaareeral Diggowte Baaxo Kinnimih Taagah Aqayyaare Saami Fanah Korisak Foocah Axcele - Cajji Awwal Qarba 

Addis Ababa Paagume 3/2018 (ENA) Itiyoppiya Aqayyaareeral Diggowte Baaxo Kinnimih Taagah Aqayyaare Saami Fanah Korisak Foocah Axcelem Naharsi Saqal Cajji Awwal Qarba Qaddoysem.

 

Paagumek 3 Heeleh Xiiq Ayro "Gidmi Mayso Muhri" Inta itrol Samara Magaalal Asakkaxuk Geytiman 

 

Rakaakayak Naharsi Saqal Massakkaxxale Cajji Awwal Qarba Elle Geytimak Baxaabaxsale Saay Dagortilih Asakkaxuk Geytiman.

 

Rakaakayak Naharsi Saqal Masaakkacxale Cajji Awwal Qarba Elle Qaddoyseh Yan Innal Asaaku Nassakkaxeh Nan Ayro Taturteh Tan Liggidditteh Addat Abneh Nan Taamoomi Elle Kusaaqisan Fooca Xiiq Kee Diggale Aqayyareh Edde Bicistnah Nan Ayro Kinni.

 

Xiiq Iyyanam Baaxo Baxin Kacnih Asta 

Aydadi Naqaboytit Tatre Liggiditteh Addat Qafar Cuduuduk Tabak Ittiyyopiya Warartuh Temeete Uddur Qafar Ummatta Mango Fida Mekelak Temeetem Kasise.

 

Qafar Ummatta Xiiq Yaabal Dubuk Taaxige Ummatta Hinnay Abinah Mango Aqayyarek Taturak Temeete Ummatta Kinni.

 

Qafar Rakaakayak Salaam Biiro Saqal Gifta Acmad Cummad Iyeemih Qafar Ummatta Xiiq Maxcol Dubuk Taaxige Ummatta Hinnay Abinah Taaxigeh Tan Ummatta Kinnih Tanim Kasisak Tatre Ligidditteh Addat Abak Nemeete Taama Neh Sumaaqittah Iyye.

 

Ellacabol Taturte Liggidditteh Addat Saay Luddal Baxsale Taamoomi Abak Temeete Sekter Kutbeh Buxaxih Sumaaqat Warkatay Yeceen.