Asaaku Paagume 2 "Saadiyyi Ayrot "Qafar Rijin Qusba Koraan Caylih Lowsiiseena Esserta Madruurwa Inki Ayroh Addat Tantafaqo Abelem Yiysixxigem. - ENA Qafar Afa
Asaaku Paagume 2 "Saadiyyi Ayrot "Qafar Rijin Qusba Koraan Caylih Lowsiiseena Esserta Madruurwa Inki Ayroh Addat Tantafaqo Abelem Yiysixxigem.
Addis Ababa Paagume 2/2018 (ENA) Qusba Lowsiisena Esserta Madruurwa Inki Ayroh Addat Tantafaqo Abam Xiqa Tiranisformer Daabissooy, Fanti Caddo kee Addah Caddo Suuqunti Baarisso Aakamal Elle Missoyseenih Yaniinim Qafar Rakaakayih Rijinih Xayrekter Gifta Saalic Macammad Qaddoysem.
Riijin Xayrekter Ta Riijinih Gubat Tan Inkih Tan Ayfaafay Mattacoh Fanteenaanil Ayfaafay Faxak Tamaateh Tan Madruurwah Xayyosuuy, Lowsiiseenaay,(STS), Lowsiiseena Edde Takran Borxiiy, Keebil kee Gersi Xayyos Kah Missoyseenih Yaniinim Yescessem.
Tahat Axawah Ta Udduurul Rakaakayal Yanih Yan Kaxxa Caacayta Cubbit Haak, Cayli Garurruq Addah Iyyuh 122 kiilo Mitirih Fanti Caddo kee 32kiilo Mitirih Addah Caddoh Suuqunti Yaakume Bicitte Akkuk Geytimtam Qaddoysem.
Qusba Sanat Sabab Abak Cayli Garurruq kee Koraan Taqabi Ane Wayuh Faxxiima Bicitte Abeenih Yaniinim Baxxaqsem.
Ta Riijinih Xayrekter Saalic Macammad Madruurwa Ta Saamit Antifiquk Koraan Caylih Tantafaqo Kah Yakken Innah Seeco Tatrusem Itiyoppiyan Koraan Ayfaafayih Oyti Yascassem.
