Qafar Rakaakayak Naharsi Saqal Cajji Awwal Paagume 2 "Saadiyyi Ayro" Wagsiisaak Farmo Tatrusem. 

Addis Ababa Paagume 2/2018 (ENA) Saadiyyi Ayro Itiyoppiyah Saadiyya Inta Itrol Xeerih Tan Agat Mablal Nassakaxxeh Nan way Ni Baaxo Takku Nj Rakaakay Taturte Sanootat Centebbaaruk Tan Siyaasaay, Qidaddo kee Amni Aqayyaareera Xiiqil Taturak Aamantileeh, Yasgalle Daddaos Maddaga Fan Tabteh Tanim Qaddoysem.

 

Baaxoh Caddoh Gexso Taqabik Sarriinol Awquk Rekissooy, Sissikiih, Xer Udduurih Daddos Fayya Fan Abteh Tan Makcagguruk Yan Tabaatabsi Xiiq Abina kee Qaagoh Asta Kinnim Yescessem.

 

Dirrinuh Tan Baaxooy, Dariifa kee Baad Caddoh Xukkooka Ayyunti Debrime Sinni Xiiqil Tonnah Kaadu Doolat Cogdale Mablal Miraacise Miraaciini Macalal Diggowte Beeri Qaagoh Aydaadi Xisoh Duddi Ginniimeh Yaniimik Mayballa Kinnim Qaddoysem.

 

Ta Baaxoh Saadiyyih Aydaadi Amqussubiyyih Asmat Qafar Rakaakayal Abinah Geytimte Daddos Xalitte Kinnim Ascassuuk, Rakaakay Daboonah Dirab kee Hoxat Tan Daalissol Ulim Elle Aabuke Sinniih, Qaago Sinni Ardih Beyaanamih Aydaadi Mafdaga Milaaguk Lakal Beenih Yanin Margaqal Rekissoh Ikraaro kee Ogoysimle Macalal Milaagimtam Xiqtem Baxxaqsem. 

 

Qafar Rakaakayal Buqre Luddal Ayyunta kee Doolat Baxsaluk Efeq Daddoosul Caxaaxuwaay, Caxammiiru kee Qasri Buqreh Cogdaadit Rakaakay Isih Isi Dudda Dadlisaanamal Taamitak Geytimam Yescessem.

 

Inkih Yan Qafar Ayyunti Dacarsittoh Xiinaay, Buqre Abaay, Qunxaaneytaay, Inonti kee Abbobtiiy, Tonnah Kaadu Miraaciini Dagorti kee Daddos Maglableela Qimbisimeh Yan Aydaadi Asqassaabeey, Qidaddo Dadal kee Saadiyyi Gexsot Fayyale Macal kee Margaqal Ikoytiinu Kak Haysitak Foocah Haanam Faxximtaamih Seeco Tatrusem.